ኣዲስ ኣበባ/ መጋቢት/24/ 2017 /ኢዜኣ/24 መጋቢት ኢትዮጵያ ኣብ ፖለቲካ፣ ኢኮኖሚ፣ ማሕበራዊን ዲፕሎማሲያዊን ዓውዲታት ኣብ ታሪኻ ዘይፈተነቶ ሓዱሽ መገዲ ዝጀመረትላ ዕለት ኢያ ክብሉ ሚኒስትር ኣገልግሎት ኮሙኒኬሽን መንግንስቲ ለገሰ ቱሉ (ዶ/ር) ገሊፆም። ለገሰ ቱሉ (ዶ/ር) ኣብ ማሕበራዊ ሚዲያ ገፆም ኣብ ዘመሓላለፉዎ መልእኽቲ÷ “እታ ዕለት ኢትዮጵያ ብቅኒት ፍልስፍና መደመር፣ ብሓሳብ ማእኸል ፖለቲካ እናተመርሐት ካብ ዝሓለፈ ፅቡቕ ብምውሳድ፣ ንፅባሕ ወለዶ ሎሚ ሓዱሽ ኣሰር ብምንባር ናይ ዝላ ምዕራፍ ዝጀመረትላ ኢያ” ኢሎም። ኣብ ዝተሓላለኽ ብዝሃነትን ብዙሓት መንነትን ሓደጋ ምብትታን ብምሕላፍ ብዝሃነት ከም ገይፂተጠቒማ ህብረ ብሄራዊ ሓድነታ ብዝበለፀ ምጥንኻር ዝጀመረትላ ዕለት ከምዝኾነት እውን ኣመልኪቶም። ኣብ ናይ ለውጢ ዓመታት ኣብ መፍረይቲ ኢንዱስትሪ፣ መዓድን፣ ቱሪዝምን ሆስፒታሊቲን፣ ዝርገሐ ከተማን መሰረተ ልምዓትን ከምኡ እውን ኣብ ዓውዲ ዲጂታል ኢኮኖሚ ኢትዮጵያ ዘንፀላለዉዋ ኩሎም ፀገማት መኪታ ብራኸኣ ብምርግጋፅ ቅልጡፍ ለውጢን ዕቤትን ከምዘመዝገበት እውን ገሊፆም፡፡ ዝተመዝገቡ ዕድላት ቆፂርካ ዘላቕነቶም ምሕላውን ምስፋሕን ከምዝግባእ እውን ኣገንዚቦም፡፡

  ኣዲስ ኣበባ/ መጋቢት/24/ 2017 /ኢዜአ/ብለውጢ ኣብ ዝተፈላለዩ ዓውዲታት ዝተመዝገቡ ዓወታት ንክቕፅሉ ኩሉ ብቆራፅነት ክረባረብ ይግባእ ክብሉ ርእሰ ምምሕዳር ክልል ሶማሌ ሙስጠፌ መሓመድ ገሊፆም፡፡ "ትማሊ፣ ሎሚን ፅባሕን ንልዕልና ኢትዮጵያ!" ብዝብል መሪሕ ሓሳብ ብመጋቢት 24 ሃገራዊ ለውጢ ዝተረኸቡ ዓወታትን መፃኢ ኣንፈታትን ጠመተ ዝገበረ ፓነል ዘተ ኣብ ጅግጅጋ ተካይዱ፡፡ ኣይተ ሙስጠፌ ኣብቲ መድረኽ ኣብ ዘመሓላለፍዎ መልእኽቲ÷ ሃገራዊ ለውጢ ኣብ ኢኮኖሚያዊ፣ ፖለቲካዊን ማሕበራዊን ዓውዲታት ዘዕግብ ዓወት ምምዝጋቡ ተዛሪቦም፡፡ ኣብቲ መድረኽ ድሕሪ ለውጢ ኣብ ኢትዮጵያን ኣብቲ ክልልን ኣብ ዝተፈላለዩ ዓውድታት ዝተረኸቡ ዓወታትን መፃኢ ኣንፈታትን ጠመተ ዝገበረ ፅሑፍ ቐሪቡን ዘተ ተገይርሉ፡፡ ኣብቲ መድረኽ ዝተሳተፉ ሽማግለታት ዓዲ እቲ ክልል÷ ኣብ ክልል ሶማል ድሕሪ ለውጢ ብዙሓት ስራሕቲታት ልምዓትን ሰላምን ከምዝተሰርሑ ምግላፆም ካብ ኮሙኒኬሽን እቲ ክልል ዝተረኸበ ሓበሬታ የረድእ።

  ባህር ዳር/መጋቢት 24/2017 (ኢዜኣ) ኣብ ኢትዮጵያ እናተዋህለሉ ንዝመፁ ፀገማት ብዘላቕነት ንምፍታሕ ንዝተጀመረ ከይዲ ምኽክር ኩሉ ኣካል መፍትሒ ክኸውን ከምዝግባእ ዋና ኮሚሽነር ሃገራዊ ምኽክር ፕሮፌሰር መስፋን ኣርዓያ ተዛሪቦም። ኣብ ክልል ኣምሓራ ኣብ ዙሪያ ከይዲ ምኽክር ግንዛበ ንምፍጣር ዝተዳለወ መድረኽ ዘተ ኣብ ከተማ ባህር ዳር ይካየድ ኣሎ። ዋና ኮሚሽነር ሃገራዊ ምኽክር ኢትዮጵያ ፕሮፌሰር መስፋን ኣርዓያ ኣብቲ መድረኽ ተረኺቦም፤ እቲ ኮሚሽን ኣብ ዝሓለፉ 3 ሰዓታት ዝተፈላለዩ ምዕራፋት ብምሕላፍ ኣብ ምዕራፍ መድረኽ ምትእኽኻብ ዛዕባ ከምዝበፅሐ ብምሕባር ኣብዞም ከይድታት እውን ዝተፈላለዩ ክፋላት ሕብረተሰብ ከምዘሳተፈ ገሊጾም። ኣብ ዋና ዋና ሃገራዊ ዛዕባታት ብምዝርራብ ሓባራዊ መፍትሒ ንምርካብ ኢትዮጵያ እናመኸረት እያ ዝበሉ እቶም ዋና ኮሚሽነር፤ ኣብዚ ኣሳተፍን ሓቛፍን ከይዲ ምኽክር ኣብ ክልል ኣምሓራ እውን ንቑሕ ተሳትፎን ደገፍን ንክግበር ሓቲቶም። ኣብ ኢትዮጵያ እናተዋህለሉ ንዝመፁ ፀገማት መሰረታዊ መፍትሒ ምኽክር ከምዝኾነ ብምሕባር ናይዚ ቀንዲ መፍትሒ ንምዃን ኩሉ ክዳለው ከምዝግባእ ተዛሪቦም። ኣብቲ መድረኽ፤ ኣቦታት ሃይማኖት፣ከያንያን፣ተወከልቲ ውድባት ፖለቲካ፣ሰብ ሞያ ሕግን ካልኦት ኣካላትን ይሳተፉ ኣለዉ። እቲ መድረኽ ምኽክር፤ ብምትሕብባር ኮሚሽን ሃገራዊ ምኽክርን ትካል ፕረስን ኢትዮጵያ ከምዝተዳለወ ተገሊፁ።

  ኣዲስ ኣበባ/መጋቢት/ 24/2017 (ኢዜኣ) እቲ ሃገራዊ ለውጢ ንፖሊስ ፌዴራል ኢትዮጵያ ዘበነ ምብራኽ ከምዝኾነ ኮሚሽነር ፖሊስ ፌዴራል ኢትዮጵያ ጀነራል ደመላሽ ገብረሚካኤል ገሊፆም። ፖሊስ ፌዴራል ኢትዮጵያ ምብሳር ሃገራዊ ለውጢ 24 መጋቢት ብዝተፈላለዩ ምድላዋት የኽብር ኣሎ። ኣብቲ መርሃ ግብሪ፤ ኮሚሽነር ፖሊስ ፌዴራል ኢትዮጵያ ጀነራል ደመላሽ ገብረሚካኤል ሓዊሱ ምክትል ኮሚሽነር ጀነራላትን ካልኦት ላዕለዎት ኣመራርሓን ተረኺቦም። 24 መጋቢት ዝምልከት “ፍርያታት ለውጢ መጋቢታውያን ናይ ጽባሕ ተስፋታት፤ ትማሊ፣ሎምን ፅባሕን ንልዕልና ኢትዮጵያ” ኣብ ትሕቲ ዝብል መሪሕ ሓሳብ ፅሑፍ ቀሪቡ ይዝተየሉ ኣሎ። ኮሚሽነር ፖሊስ ፌዴራል ኢትዮጵያ ጀነራል ደመላሽ ገብረሚካኤል ኣብዚ እዋን፤ እቲ ለውጢ ንፖሊስ ፌዴራል ኢትዮጵያ ዘበነ ምብራኽ እዩ ኢሎም። ኣብ ዝሓለፉ ናይ ለውጢ ዓመታት ኣብ ፖሊስ ፌዴራል ብርክት ዝበሉ ስራሕቲ ሪፎርማት ከምዝተሳለጡ እውን ገሊፆም።

  ኣዲስ ኣበባ/ መጋቢት/24/ 2017 /ኢዜአ/ ሃገራዊ ለውጢ ንኢትዮጵያ ካብ ሓደጋ ምብትታን ዘድሐነ እዩ ክብሉ ኣፈ ጉባኤ ቤት ምኽሪ ፌዴሬሽን ኣገኘሁ ተሻገር ገሊፆም። ኣባላትን ኣመራሓታትን ቤት ምኽሪ ባይቶ ወከልቲ ህዝቢን ቤት ምኽሪ ፌዴሬሽንን÷‘ትማሊ፣ ሎሚን ፅባሕን ንልዕልና ኢትዮጵያ!’ ብዝብል መሪሕ ሓሳብ 7ይ ዓመት ሃገራዊ ለውጢ ምኽንያት ብምግባር ዘተ ፓናል ኣካይዶም፡፡ ኣፈ-ጉባኤ ኣገኘሁ ተሻገር ኣብቲ እዋን÷ ኣብ ኢትዮጵያ 24 መጋቢት ዝተጀመረ ለውጢ ብዓይነቱ ፍሉይን ዕዉትን ምንባሩ ኣዘኻኪሮም። ህዝባዊ ለውጢ፣ሕገ መንግስታዊን ትካላዊን ንክኾን ቀዳማይ ሚኒስትር ኣብይ ኣሕመድ (ዶ/ር) ፍኖተ-ካርታ ለውጢ ብምድላው ንዕውትነት እቲ ለውጢ ዝነበሮም ግደ ኣብታሪኽ ልዑል ናእዳ ዝረኸበ እዩ። ሃገራዊ ለውጢ ንኢትዮጵያን ህዝባን ብዙሕ ዓወታት ምምፅኡ ብምሕባር÷ ኢትዮጵያ ካብ ሓደጋ ምብትታን ዘድሐነ ምዃኑ ተዛሪቦም፡፡ በቲ ለውጢ ኣብ ቁጠባዊ፣ ማሕበራዊ፣ ፖለቲካዊን ዲፕሎማስያዊን ዓውድታት ዝተረኸበ ውፅኢት ኢትዮጵያ ክብ ንኽትብል ዘኽአለ ምዃኑ ኣረዲኦም፡፡ እቲ ለውጢ ዝተሓሰበ ሽቶ ንምዕዋት ህዝቢ ደገፉ ኣጠናኺሩ ንኽቕፅል ፃውዒት ምቕራቦም ኣብ ቤት ምኽሪ ዝተረኸበ ሓበሬታ የረድእ፡፡

  አዲስ አበባ/መጋቢት/24/2017/ኢዜአ/ኣመራርሓታትን ሰራሕተኛታትን ሚኒስቴር ትልምን ልምዓትን ተፀዋዕቲ ትካላትን ኣብ ዝሓለፉ 7 ዓመታት ብመንግስቲ ለውጢ ኣብ ዝተረኸቡ ዓወታት “ቐፃሊ ጅግንነትና ንኢኮኖሚያዊ ሉኣላዊነትና” ብዝብል ቴማ ምይይጥ እናሳለጡ ይርከቡ። ሚኒስትር ዴኤታ ሚኒስቴር ትልምን ልምዓትን ስዩም መኮንን ከምዝገለፅዎ፤ መንግስቲ ለውጢ ካብ ዝመፅአሉ ግዜ ጀሚሩ ብርክት ዝበሉ ፈተናታት እንተጋጠሙዎ 'ውን ፖለቲካዊ፣ ኢኮኖሚያውን ማሕበራውን ለውጥታት ከመዝግብ ኽኢሉ። ኣብ ሃገርና ካብ መንጎ ዝነበሩ ፖለቲካዊ ስብራታት እቲ ቐንዲ ዝነፃፅል ትርኽቲ ምፍጣር እንትኸውን ኣብ ዝሓለፉ ሸውዓተ ዓመታት ዘተኣሳስር ትርኽቲ ብምፍጣር ናብ ሕብረተሰብ ክሰርፅ ምግባር ከምዝተኽኣለ ገሊፆም። እቶም ዝሓለፉ ሸውዓተ ዓመታት ኣብ ዘፈራት ኢኮኖሚ፣ ግብርና፣ ኢንዱስትሪ፣ መዓድንን ቱሪዝምን ብርክት ዝበሉ ስራሕቲ ዝተሳለጠሎም ዓመታት ዓወት ምዃኖም ገሊፆም።

  ታሪኻዊ ስብራታት ኢትዮጵያ ዘብቅዐሉ፣ ንኢትዮጵያ ዘሳግር ሓዱሽ ኣተሓሳስባ ምድማር ተግባራዊ ንኽግበር ዘኽአለ ሃገራዊ ለውጢ፤ ኹለመዳያዊ ብልፅግና ብምርግጋፅ ትንሳኤ ኢትዮጵያ ንምብሳር ሰረት ዝነበረሉ፤ ዓብዪ ግድብ ህዳሰ ኢትዮጵያ ደው ክብል ቐሪቡሉ ካብ ዝነበረሉ ዘድሐነ ሃገራዊ ለውጢ ጋህዲ ዝኾነሉ 'ዩ ተባሂሉ። ንኣዲስ ኣበባ ተምሳሌት ብልፅግና ንምግባር ቑርፀኛ ቕዋም ዝተትሓዘሉ 24 መጋቢት ብብርኪ ከተማ ብምይይጥ ክኽበር ምጅማሩ ጨንፈር ቤት ፅሕፈት ኣዲስ ኣበባ ፓርቲ ብልፅግና ገሊፁ።

  ኣዲስ ኣበባ/ መጋቢት/24/ 2017 /ኢዜአ/ ሚኒስትር ጉዳያት ወፃኢ ጌድዮን ጢሞቲዎስ (ዶ/ር) ምስ ሓዱሽ ዝተሾሙ ሚኒስትር ጉዳያት ወፃኢ ጅቡቲ ኣብዱልቃድር ሁሴን ኦማር ተዛትዮም፡፡ ኣብ ዘትኦም ድማ ስትራቴጂካዊ ምሕዝነት ክልቲአን ሃገራት ንምጥንኻር ተቐራሪቦም ንምስራሕ ተስማዕሚዖም፡፡ ጌዲዮን ጢሞቴዎስ (ዶ/ር) ኣብቲ እዋን÷ ነቶም ሚኒስትር ሰናይ ዘበን ስራሕ ንክኾነሎም ሰናይ ትምኒቶም ገሊፆም፡፡

  ኣዲስ ኣበባ/ መጋቢት/24/ 2017 /ኢዜአ/ሃገራዊ ለውጢ ጋህዲ ዝኾነሉ 7ይ ዓመት ኣብ ከተማ ኣርባምንጭ ብዝተፈላለዩ ምድላወት ይኽበር ኣሎ፡፡ እቲ ዕለት ኣብ ዞባ ጋሞ ከተማ ኣርባምንጭ "ቀፃሊ ጅግንነትና ንኢኮኖሚያዊ ሉኣላዊነትና" ብዝብል መሪሕ ሓሳብ ፈረስ ጉግስ ሓዊሱ ብዝተፈላለዩ መደባት ብድምቀት እናተኸበረ ከምዝርከብ ሓበሬታ ኮሙኒኬሽን ከተማ ኣርባምንጭ የመላኽት። ኣካል እቲ መርሃ ግብ ዝኾነ ምርኢት ፈረስ ጉግስን ሰልፊ ፖሊስ ሰራዊትን ተኻይዱ።

  ኣዲስ ኣበባ/ መጋቢት/24/ 2017 /ኢዜአ/ኣብ ኢትዮጵያ ሃገራዊ ለውጢ ጋህዲ ዝኾነሉ 7ይ ዓመት ምኽንያት ብምግባር ኣብ ከተማ ሻሸመኔ ልዑል ህዝባዊ ሰልፊ ድጋፍ ይካየድ ኣሎ። ኣብቲ ሰልፊ ካብ ዞባ ምዕራብ ኣርሲ 13 ወረዳታት፣ ክልተ ምምሕዳር ከተማታትን ካብ ከተማ ሻሸመኔ ኣርባዕተ ክፍለ ከተማታትን ዝተውፃእፅኡ ክፋላት ማሕበረሰብ ዝተሳተፉ እንትኾን÷ ኣቦታት ሃይማኖት፣ ኣባ ገዳታትን ሃዳ ሲንቄታትን ተረኺቦም፡፡ እቶም ሰልፈኛታት መንግስቲ ዘካይዶም ዘለው ስራሕቲ ልምዓት ብምድጋፍ ኣብ ቐፃሊ ዝተመሓየሸ ስራሕ ንኽስራሕ ምስ መንግስቲ ብምትሕብባር ከምዝሰርሑ ኣብ ዘመሓላለፍዎ መልእኽቲ ኣረጋጊፆም፡፡

  ኣዲስ ኣበባ/ መጋቢት/24/ 2017 /ኢዜአ/ፍረ መጋቢት 24 ኣብ ኩሎም መንደራት ኢትዮጵያ ንኽባፅሑ ተጊህናን ቆሪፅናን ክንሰርሕ ኢና ክብሉ ምክትል ቀዳማይ ሚኒስትር ተመስገን ጥሩነህ ገሊፆም፡፡ እቶም ምክትል ቀዳማይ ሚኒስትር ሃገራዊ ለውጢ ጋህዲ ዝኾነሉ 7ይ ዓመት ( መጋቢት 24/ 2010 ዓ.ም) አመልኪቶም መልእኽቲ ኣመሓላሊፎም፡፡ ፍረታት መጋቢት 24 ኣብ ኩለን መንደራት ኢትዮጵያ ንምብፃሕ ተጊህና ክንሰርሕ ኢና ብምባል፥ ብዝድርበዩልና አእማን ብልፅግና ክንሃንፀሉ ኢና ኢሎም። መጋቢት 24 ትማሊ፣ ሎሚን ፅባሕን፣ ወሰንን ማእኸልን፣ ግንባርን መሓዛን፣ ኣረስቶትን ሰበኽ ሳግምን፣ ውልቀ ሰብን ጉጅለን፣ ከባቢያዊን ሃገራዊን መንነት፣ ብኣምር ምድማር ዘረዳደአት ኣብ ታሪኽ ዘመናዊት ኢትዮጵያ ፍሉይ ቦታ ዘለዋ መዓልቲ ኢያ” ኢሎም፡፡ ኣብ ጎደና ምድማር ንኢትዮጵያ ናብ ምዕባለ ንምብፃሕ ዝተጀመሩ ስራሕቲ ፍረኦም ምርኣይ ከመዝተጀመረ ዝገለፁ እቶም ምክትል ቀዳማይ ሚኒስትር፥ “ኢትዮጵያ ኣብ ዓለም ዝግበኣ ቦታ ንመሓዝ ቀሪባ ኣላ” ኢሎም፡፡ ኢትዮጵያ ሽማ ብድኽነትን ድሕረትን ይለዓል ዝነበረ ፤ ብስርናይ፣ ሓምለዋይ ኣሰር፣ ዓብዪ ግድብ ህዳሰ ኢትዮጵያ፣ ስፍራታት መስሕባት ቱሪስት፣ ብቅልጡፍ ኢኮኖሚያዊ ዕቤትን ፅቡቕ ምስሊን ምፅዋዕ ከምዝተጀመሩ ኣልዒሎም፡፡ ብገበታ ንሸገር፣ ገበታ ንሃገር፣ ገበታ ንትውልዲ ኣቢሉ ሃገር ዝለወጡ ፕሮጀክታት ተጀሚሮም ንኽዛዘሙን ካብ ዕዳ ናብ ሃፍቲ ንምጉዓዝ መጋቢት 24 መበገሲ ኮይና ኣላ ክብሉ አስሚሮምሉ፡፡ እቶም ምክትል ቀዳማይ ሚኒስትር ካብዚ ብተወሳኺ፥ ሓምለዋይ ኣሰር፤ ትሩፋት ሌማት፣ ሉኣላዊነት ምግቢ፣ ምገባ ቤት ትምህርቲን ልምዓት ኮሪደርን ዝበሉ ተበግሶታት ውፅኢታት መጋቢት 24 ከምዝኾኑ ፀሪሖም፡፡ እዞም ፍረታት መጋቢት 24 ምክንኻንን ምስፋሕን ጥራሕ ዘይኮነ እቶም ፍረታት ካብ ቅንፊዝን ቡኻርያታትን ክንሕልዎም ኣለና፤ ማንም ካብ ንሓስቦን እንበፅሖን ኣየትርፈናን ኢሎም፡፡ ምክትል ቀዳማይ ሚኒስትር ተመስገን ጥሩነህ

 

  ኣዲስ ኣበባ/ መጋቢት/24/ 2017 /ኢዜአ/ኣብ ኢትዮጵያ 24 መጋቢት 2010 ዓ.ም ጋህዲ ዝኾነ ሃገራዊ ለውጢ 7ይ ዓመት ምኽንያት ብምግባር ኣብ ከተማ ኣሰላ ሰልፊ ድጋፍ ይካየድ ኣሎ። ‘ትማሊ፣ ሎሚን ፅባሕን ንልዕልና ኢትዮጵያ!’ ብዝብል መሪሕ ሓሳብ እናተኻየደ ኣብ ዝርከብ ልዑል ሰልፊ ድጋፍ፤ ኣቦታት ሃይማኖት፣ ኣባ ገዳታት፣ ሃደ ሲንቄታትን ዝተፈላለዩ ክፋላት ሕብረተሰብን ይሳተፉ ኣለዉ፡፡ እቶም ሰልፈኛታት ለውጢ ጋህዲ ካብ ዝኸውን ንደሓር ዝተመዝገቡ ኢኮኖሚያዊ፣ ማሕበራዊን ፖለቲካዊን ዓወታት ዓቂቦም ንምቕፃል ድሉዋት ከምዝኾኑ ኣረጋጊፆም።

 

 

 

  ኣዲስ ኣበባ/መጋቢት/ 23/2017 (ኢዜኣ) ኣብ ዝሓለፉ ናይ ለውጢ ዓመታት ኢትዮጵያ ብሄራዊ ረብሓኣ ዘኽብሩን ዜጋታት ተረባሕቲ ዝገብሩን ስራሕቲ መመሓየሽታት ዲፕሎማሲ ከምዘሳለጠት ኣብ ቤት ምኽሪ ወከልቲ ህዝቢ ምክትል ኣካቢ ቀዋሚ ኮሚቴ ጉዳያት ርክብ ወፃእን ሰላምን ፈቲሕ ማሀዲ(ዶ/ር) ገሊፆም። ኣብ ቤት ምኽሪ ወከልቲ ህዝቢ ምክትል ኣካቢ ቀዋሚ ኮሚቴ ጉዳያት ርክብ ወፃእን ሰላምን ፈቲሕ ማሀዲ(ዶ/ር) ምስ ኢዜኣ ኣብ ዝነበሮም ጻንሒት ከምዝበልዎ፤ ኣብ ዝሓለፉ ናይ ለውጢ ዓመታት ኢትዮጵያ ብሄራዊ ረብሓኣ ዘኽብሩን ዜጋታት ተረባሕቲ ዝገብሩን ስራሕቲ መመሓየሽታት ዲፕሎማሲ ኣሳሊጣ እያ። ኣብቶም ዝተሳለጡ መመሓየሽታት ስራሕቲ ምስትኽኻል መምርሕታት ኣሰራርሓ፣ ኣወዳድባ፣ቴክኖሎጂን ልምዓት ሓይሊ ሰብን ከምኡ እውን ፖሊሲታት ከምዝተሳለጡ ሓቢሮም። ኢትዮጵያ ስምምዕ ሰላም ፕሪቶሪያን ኣንካራን ሓዊሱ ጸገም ኣፍሪካ ብኣፍሪካውያን ንክፍትሑ ዘርኣየቶ ቆራጽነት ውጽኢት ብቑዕ ዲፕሎማሲ እዩ ኢሎም። ፖሊሲ ጉዳይ ወጻኢ ኢትዮጵያ ካብ ባዕላ ብተወሳኺ ንጎረቤት ሃገራት እውን ተረባሕቲ ከምዝገብር ተሓሲብሉ ከምዝተሓንፀፀ ገሊፆም። ኢትዮጵያ ኣብ ኩለመዳያዊ መድረኻት ዝነበራ ተሳትፎ ኣባል ብሪክስ ንክትኸውን ከምዝገበራ ኣዘኻኺሮም። ኢትዮጵያ ንነዊሕ እዋን ሃፍታ ከይትጥቀም ደጋዊ ፅልዋ እናበፅሓ ከምዝፀንሐት ብምሕባር፤ ኣብዞም ናይ ለውጢ ዓመታት ዲፕሎማሲ ብምጥቃም እቲ ጽልዋ ምክልኻል ተኻኢሉ እዩ ኢሎም። ማዕቐፍ ምትሕብባር ተፋሰስ ኣባይ ንክፍረም ኢትዮጵያ ውፅኢታዊ ዲፕሎማሲያዊ ኣካይዳ ከምዝተጠቐመት ብምግላፅ፤ ብዋናነት ኣብ ኣፍ ደገ ባሕሪ ዝምልከት እውን ብሄራዊ ረብሓኣ ብዘኽበረ መልክዑ ሕቶኣ ምቕራብ ከምዝኸኣለት ኣረዲኦም። ኣብ ቤት ምኽሪ ወከልቲ ህዝቢ ኣባል ቀዋሚ ኮሚቴ ጉዳያት ርክብ ወፃእን ሰላምን ኣምባሳደር ዲና ሙፍቲ ብግደኦም፤ ኣብ ኢትዮጵያ ኣብ ዓውዲ ዲፕሎማሲ ዝተሳለጠ ለውጢ ዓብይ ዓወት ንክምዝገብ ኣኽኢሉ እዩ ኢሎም። ምስ ጎረባብቲ ሃገራት ዘሎ ርክብ ንምጥንኻር ዝተገበረ ስራሕ ዕዉት ከምዝነበረን ኣብ ዙሪያ ዓብይ ግድብ ሕዳሰ ውፅኢታዊ ስራሕ ከምዝተሳለጠን ተዛሪቦም።

  ኣዲስ ኣበባ/ መጋቢት/23/ 2017 /ኢዜአ/ፖለቲካዊ ፀገማት ብሓባር ንፍታሕ ዝብል ፃውዒት መራሒ ዝተርኣየ ኣብዚ ናይ ለውጢ እዋን ኢዩ ክብሉ ሓላፊ ዘፈር ርክብ ህዝቢን ዓለም ለኸን ፓርቲ በልፅግና ቢቂላ ሁሪሳ (ዶ/ር) ገሊፆም። ቢቂላ ሁሪሳ (ዶ/ር) ናይ ለውጢ መንግስቲ ዝመፅአሉ ሻውዓይ ዓመት ብዝምልከት ኣብ ዘመሓላለፉዎ መልእኽቲ÷ ሃገራዊ ለውጢ ንዜጋታት ናብ ቅድሚት ዘምፀአን ተሳትፎኦም ክብ ዘበለን ከምኡ እውን ኣብ ፖለቲካ በዓል ዋናን ጓናን ዝብል ክፍፍል ዘትረፈ ከምዝኾነ ሓቢሮም። እቲ ለውጢ ኩሉ ኢትዮጵያዊ ኣብ ሃገራዊ ጉዳይ ይግበኦ ኢዩ ዝብል ሓሳብ ከምዘምፀአ ብምግላፅ÷ ኣብ ውሽጢ ሃገር ይኹን ኣብ ወፃኢ ዘለዉ ኢትዮጵያውያን ፖለቲካዊ ፀገማት እዛ ሃገር ንምፍታሕ እጃሞም ንኽዋፅኡ ፃውዒት ዝቐረበሉ ከምዝኾነ እውን ኣብሪሆም። “ሕዚ እውን ኣብ ኢትዮጵያ ዘሎ ስብራት ፖለቲካ ንምፅጋን ኣብ ዝግበር ምንቅስቓስ መሪሕ ተሳተፍቲ ንኽኾኑ ዝተገበረ ፃውዒት እቲ ዝዓበየ ፃውዒት ኢዩ” ክብሉ ወሲኾም። ኣብ ዝተፈላለያ ሃገራትን ኣብ ውሽጢ ኢትዮጵያን ዝነበሩ ፓርቲታት ፖለቲካ ናብ ቅድሚት ዝመፅኡሉ፣ ምውዳብ፣ ቢሮ ምኽፋት ከምኡ እውን ሓሳቦም ናብ ህዝቢ ምቕራብ ዝጀመሩሉ እዋን ከምዝኾነ ኣልዒሎም። እዚ ድማ ኣብ ታሪኽ ፖለቲካ ኢትዮጵያ ልዑል ለውጢ ከምዝኾነ ኣመልኪቶም።

  አዲስ አበባ/ መጋቢት/ 23/2017(ኢዜአ)፦ ቤት ምኸሪ ወከልቲ ህዝብታት መንግስቲ ፌደረኢ አብ ክልላት ጣልቃ ዝአትወሉ ስርዓት ንምድንጋግ ዝወፀ መማሓየሺ አዋጅ ተዛትዩ አፅዲቁ። ቤት ምኸሪ ወከልቲ ህዝብታት መበል 22 ስሩዑ አኼብኡ ሎሚ አካይዱ፡፡ እቲ ባይቶ አብ ስሩዑ አኼቡኡ መንግስቲ ፌደረኢ አብ ክልላት ጣልቃ ዝአትወሉ ስርዓት ንምድንጋግ አብ ዝወፀ መማሓየሺ አዋጅ ተዛትዩ። አዋጅ መማሓየሺ ቅድም ክብል አብ ዝፀንሐ አዋጅ አብ አተገባብራ ንዘጋጠሙ ዕንቅፋታት ንምፍታሕ ዝዓለም ምኹኑ ተገሊፁ። በዚ እውን አብ እቲ ባይቶ ዘተ ምስተኻየደሉ ብኸልተ ድምፀ ታዓቅቦ ብዓብላሊ ድምፂ ነቲ አዋጅ አፅዲቑዎ አሎ።

  ኣዲስ ኣበባ/ መጋቢት/23/ 2017 /ኢዜአ/ ፓርቲ ብልፅግና ኣብ ውሽጢ ሓፂር እዋን ኢትዮጵያ ካብ ተፀባይነት ብምንጋፍ ናብ ምሉእ ሉኣላዊነት ንምስግጋር ዘኽእሉ ብዙሓት ዓወታት ምምዝጋቡ ብምክትል ቀዳማይ ሚኒስትር መዓርግ ሓላፊ መተሓባበሪ ማእኸል ስርዓት ህንፀት ዲሞክራሲን ምክትል ፕሬዚዳንት ፓርቲ ብልፅግናን ኣደም ፋራህ ገሊፆም፡፡ ኣይተ ኣደም ፋራህ ኣብ ዝሓለፉ ናይ ለውጢ ዓመታት ዝተረኸቡ ዓወታትን ኣብ ናይ ቐፃሊ ኣንፈታትን ጠመተ ሂቦም ኣብ ዝሃብዎ መብርሂ÷ ህዝቢ ዘልዕሎም ዝነበሩ ፖለቲካዊ፣ ማሕበራዊን ኢኮኖሚያዊን ስብራት ለውጢ ንክመፅእ ዝገበሩ ቐንዲ ምኽንያት ምዃኖም ኣብሪሆም፡፡ ብመሪሕነት ፓርቲ ብልፅግና ናይ ለውጢ መንግስቲ ናይ ኢትዮጵያ ታሪኻዊን ሕዚ ዘለው ፀገማትን ብምፍላይ ዘላቒ ፍታሕ ንምሃብ እኹል ትንተና ገይሩ ናብ ስራሕ ምእታው ኣረዲኦም፡፡ ብፍላይ ኣሳታፍን ንኹሉ ዝሓቁፍን ፖለቲካዊ ሃዋህው ንክፍጠር እቲ ፓርቲ ኣብነት ብምዃን ብዙሓት ስራሕቲ ከምዝተወገነ ገሊፆም፡፡ ንኣብነት ኣብ 6ይ ሃገራዊ መረፃ ፓርቲ ብልፅግና ብኣብዝሓ ድምፂ ተዓዊቱ መንግስቲ ናይ ምጥያሽ ሕገ-መንግስታዊ መሰል እንተረኸበ ዝተፈላለዩ ፓርቲታት ፖለቲካ ኣብ ዝተፈላለዩ ኣመራርሓታት ምስታፉ ኣዘኻኺሮም፡፡ እዚ ድማ ንፖለቲካዊ ስርዓት ኢትዮጵያ ሓድሽ ምዕራፍ ዝኸፈተ ምዃኑ ኣብሪሆም፡፡ ኢትዮጵያ ብመሪሕነት ፓርቲ ብልፅግና ኣብ ዝሓለፉ ሒደት ዓመታት ትካላት ዲሞክራሲ ብምጥንኻር፣ ማሕበራዊ ልምዓት ብምጥንኻር፣ ንጎረባብቲ ሃገራት ቀዳምነት ብምሃብን ኣብ ምትሕብባር መሰረት ዝገበረ ዲፕሎማሲ ተግባራዊ ብምግባር ግሁድ ውፅኢት ምምዝጋብ ምኽኣላ ተዛሪቦም፡፡ ካብ ልመናን ተፀባይነትን ብምንጋፍ ምሉእ ሃገራዊ ልኡላውነት ክረጋገፅ ይግባእ ብዝብል መትከል ተስፋ ውሃብቲ ስራሕቲ ልምዓት ኢኮኖሚ ምስርሖም ሓቢሮም፡፡ ኣብ ኣፍሪካ እቲ ዝዓበየ ፓርቲ ዝኾነ ፓርቲ ብልፅግና ካብ ኢትዮጵያ ሓሊፉ ኣፍሪካዊን ዓለም ለኻዊን ዝምድናታት ብምጥንኻር ኣብ ንፍትሕን ሓባራዊ ረብሓን ይሰርሕ ከምዘሎ ገሊፆም፡፡ ኣብ ቐፃሊ እቲ ፓርቲ ኣህጉራውን ዓለም ለኻዊን ዝምድናታት ኣጠናኺሩ ከምዝቕፅል ኣይተ ኣደም ፋራህ ኣረጋጊፆም፡፡