ፍረ መጋቢት 24 ኣብ ኩሎም መንደራት ኢትዮጵያ ንኽባፅሑ ተጊህናን ቆሪፅናን ክንሰርሕ ኢና - ምክትል ቀዳማይ ሚኒስትር ተመስገን ጥሩነህ

 

ኣዲስ ኣበባ/ መጋቢት/24/ 2017 /ኢዜአ/ፍረ  መጋቢት 24 ኣብ ኩሎም መንደራት ኢትዮጵያ ንኽባፅሑ ተጊህናን ቆሪፅናን  ክንሰርሕ ኢና ክብሉ ምክትል ቀዳማይ ሚኒስትር ተመስገን ጥሩነህ ገሊፆም፡፡

እቶም ምክትል ቀዳማይ ሚኒስትር ሃገራዊ ለውጢ ጋህዲ ዝኾነሉ 7ይ ዓመት ( መጋቢት 24/ 2010 ዓ.ም) አመልኪቶም መልእኽቲ ኣመሓላሊፎም፡፡

ፍረታት  መጋቢት 24 ኣብ ኩለን መንደራት ኢትዮጵያ ንምብፃሕ ተጊህና ክንሰርሕ ኢና ብምባል፥ ብዝድርበዩልና አእማን ብልፅግና ክንሃንፀሉ ኢና ኢሎም።

 መጋቢት 24 ትማሊ፣ ሎሚን ፅባሕን፣ ወሰንን ማእኸልን፣ ግንባርን መሓዛን፣ ኣረስቶትን ሰበኽ ሳግምን፣ ውልቀ ሰብን ጉጅለን፣ ከባቢያዊን ሃገራዊን መንነት፣ ብኣምር ምድማር ዘረዳደአት ኣብ ታሪኽ ዘመናዊት ኢትዮጵያ ፍሉይ ቦታ ዘለዋ መዓልቲ ኢያ” ኢሎም፡፡

ኣብ ጎደና ምድማር ንኢትዮጵያ ናብ ምዕባለ ንምብፃሕ ዝተጀመሩ ስራሕቲ ፍረኦም ምርኣይ ከመዝተጀመረ ዝገለፁ እቶም ምክትል ቀዳማይ ሚኒስትር፥ “ኢትዮጵያ ኣብ ዓለም ዝግበኣ ቦታ ንመሓዝ ቀሪባ ኣላ” ኢሎም፡፡

ኢትዮጵያ ሽማ ብድኽነትን ድሕረትን ይለዓል ዝነበረ ፤ ብስርናይ፣ ሓምለዋይ ኣሰር፣ ዓብዪ ግድብ ህዳሰ ኢትዮጵያ፣ ስፍራታት መስሕባት ቱሪስት፣ ብቅልጡፍ ኢኮኖሚያዊ ዕቤትን ፅቡቕ ምስሊን ምፅዋዕ ከምዝተጀመሩ ኣልዒሎም፡፡

ብገበታ ንሸገር፣ ገበታ ንሃገር፣ ገበታ ንትውልዲ ኣቢሉ ሃገር ዝለወጡ ፕሮጀክታት ተጀሚሮም ንኽዛዘሙን ካብ ዕዳ ናብ ሃፍቲ ንምጉዓዝ መጋቢት 24 መበገሲ ኮይና ኣላ ክብሉ አስሚሮምሉ፡፡

እቶም ምክትል ቀዳማይ ሚኒስትር ካብዚ ብተወሳኺ፥ ሓምለዋይ ኣሰር፤ ትሩፋት ሌማት፣ ሉኣላዊነት ምግቢ፣ ምገባ ቤት ትምህርቲን ልምዓት ኮሪደርን ዝበሉ ተበግሶታት ውፅኢታት መጋቢት 24 ከምዝኾኑ ፀሪሖም፡፡

እዞም ፍረታት  መጋቢት 24 ምክንኻንን ምስፋሕን ጥራሕ ዘይኮነ እቶም ፍረታት ካብ ቅንፊዝን ቡኻርያታትን ክንሕልዎም ኣለና፤ ማንም ካብ ንሓስቦን እንበፅሖን ኣየትርፈናን ኢሎም፡፡

        ምክትል ቀዳማይ ሚኒስትር ተመስገን ጥሩነህ