ኣዲስ ኣበባ/መጋቢት /23/2017 (ኢዜኣ) መራኸብቲ ሓፋሽ ዝፍንዉዎም ሓበሬታታት ትኽክለኛን ሓድነት ህዝቢ ዘጠናኽሩን ክኾኑ ከምዝግባእ ኢዜኣ ዘዘራረቦም ዝተፈላለዩ ክፋላት ሕብረተሰብ ኣዲስ ኣበባ ገሊፆም። ኣብዚ ሰሙን ብመራኸብቲ ሓፋሽን መማረፅታት ማሕበራዊ ሚድያን ኣብ ሃገር ፀገም ንምፍጣር ዝዓለመ ዝተዋደደ ስኑዕ ሓበሬታ ከምዝተዘርገሐ ዝፍለጥ እዩ። ኣብዚ ጉዳይ መሰረት ብምግባር ኢዜኣ ዘዘራረቦም ነበርቲ ከተማ ኣዲስ ኣበባ፤ ጉድኣት ስኑዕ ሓበሬታ ካብ ውልቀ ክሳብ ሃገር እዩ ኢሎም። መራኸብቲ ሓፋሽ ኣወንታዊ ይኹን ኣሉታዊ ፅልዋ ናይ ምሕዳር ዓቕሞም ልዑል ከምዝኾነ ብምግላፅ፤ ንህንፀት ሃገር ሃናፂ እጃም ኣብ ዘበርክቱ ጉዳያት ትኹረት ንክገብሩ እቶም ወሃብቲ ርኢቶ ሓቲቶም። ካብቶም ወሃብቲ ርኢቶ ኣብዱሰመድ ሁሴን(ዶ/ር)፤ መራኸብቲ ሓፋሽ ኣብ ኢትዮጵያ ዘለዉ ብዝሃ ሃይማኖት፣መንነታትን ኣተሓሳስባታትን ኣብ ግምት ብዘእተወ መልክዕ ክሰርሑ ከምዝግባእ ተዛሪቦም። ኣብ ፀብፃባቶም እውን ረብሓ ሃገርን ሀዝብን ከቐድሙ ከምዝግባእ ብምሕባር፤ ዝፍንዉዎ ትሕዝቶ ቅድሚ ምዝርግሑ ሓቃውነቱ ከረጋግፁ ከምዘለዎም ሓቢሮም። መንእሰይ ከመሸ ሃይለማርያም ብግድኡ፤ መራኸብቲ ሓፋሽ ሓዊሱ ኣብ ማሕበራዊ ምትእስሳር ገፃት ዝዝርግሑ ሓበሬታታት እቲ ሕብረተሰብ ብኣፅንኦት ክከታተሎም ኣለዎ ኢሉ። ዝተዛብዑ ወይ ድማ ስኑዓት ሓበሬታታት እንትዝርግሑ እውን ናብ ዝምልከቶ ኣካል ምጥቋም ናይ ኩላትና ሓላፍነት እዩ ክብል ሓቢሩ። ካሊእ ወሃቢ ርኢቶ ኣይተ ሃጂ ሰላም ሃጂ ኣባ መጫ ከምዝበልዎ፤ መራኸብቲ ሓፋሽ ዘለዎም ፅልዋ ናይ ምፍጣር ዓቕሚ ብምጥቃም ኣብ ፀጋታት ምክብባር፣ፍቕርን ሓድነትን ጠመተ ዝገበሩ ስራሕቲ ከሳልጡ ከምዝግባእ ተዛሪቦም። መራኸብቲ ሓፋሽ ንቅዋም ተገዛእቲ ኮይኖም ክሰርሑ ኣለዎም ዝበለ መንእሰይ ደረጀ ካሳ፤ መራኸብቲ ሓፋሽ ህንፀት ሃገርን ሓድነት ህዝብን ንምጥንኻር ዝለዓለ ዓቕሚ ኣለዎም ኢሉ። መንእሰይ ራህመት ዲኖ ብግደኣ፤ መራኸብቲ ሓፋሽን ማህበራዊ ሚድያታትን ትኽክለኛን ሚዛናውን ሓበሬታታት ብምፍናው ንረብሓ ህዝቢ ቀዳምነት ሂቦም ክሰርሑ ከምዝግባእ ኣረዲኣ።

አዲስ አበባ/መጋቢት/17/2017/ኢዜአ/ዋና ዳይሬክተር ምምሕዳር ድሕንነት መርበብ ኢንፎርሜሽን ወይዘሮ ትዕግስት ሃሚድ ንመራኸብቲ ሓፋሽ ኣብ ዝሃብኦ መግለፂ ከምዝገለፅኦ፤ ኢትዮጵያ ካብ ንምብራቕ ኣፍሪካ እቲ ዝዓበየ ኤክስፖ ቴክኖሎጂ ካብ 8 ክሳብ 10 ጉንበት ክተካይድ 'ያ። እቲ ኤክስፖ ኣብ ድሕንነት ሳይበር፣ ኣብ ኣርቲፊሻል ኢንተለጀንስ ኣብ ዘፈር ፋይናንስ ስማርት ሲቲን ዘፈራት ትምህርቲ ቴክኖሎጅን ከምዝካየድ ተዛሪበን። ኣብቲ ኤክስፖ ልዕሊ 10 ሽሕ ዕዱማት ስለዝህልዉዎ ካብ ምብራቕ ኣፍሪካ እቲ ዝዓበየ ክኸውን ከምዝገብሮ 'ውን ሓቢረን።

  ኣዲስ ኣበባ/መጋቢት/16/ 2017 /ኢዜአ/ዘተኣኻኽብ ያታ ሓበራዊነት ሰባት፣ ክብሪ ማንነት ንኽጉልብት ይሕግዝ እዩ ክብሉ ሚኒስትር ኣማኻሪ ዓውዲ ማሕበራዊ ቀዳማይ ሚኒስትር ሙሃዘ ጥበባት ዲያቆን ዳንኤል ክብረት ገሊፆም፡፡ ኣብ ክልል ማእኸላዊ ኢትዮጵያ “መሪሕ ያታ ንምህናፅ ውፅኢታዊ ሚዲያን ኮሙኒኬሽንን” ብዝብል መሪሕ ሓሳብ ንኣመራርሓታት ሚዲያን ኮሙኒኬሽንን ስልጠና ይውሃብ ኣሎ፡፡ ኣብቲ ስልጠና ዲያቆን ዳንኤል ክብረት÷ መሪሕ ያታ ታሪኽ ሃገር ንመፃኢ ተስፋን ሎሚን ዘለዎ ግደ ዝፍጠሩ ኩነታት እንዕዘበሉ እዩ ክብሉ ገሊፆም፡፡ መፃኢ ዕጫ ኢትዮጵያ ዝውሰን ብያታ ብምዃኑ ኣብ ዓውዲ ሚዲያን ኮሙኒኬሽንን እዙይ ብምጉላህ ሓበራዊነት ህዝቢን ሰናይ ክብሪን ክጉልብቱ ክሕግዝ ከምዝግባእ ኣገንዚቦም፡፡ ኣብቲ ስልጠና ሓላፊ ጨንፈር ቤት ፅሕፈት ፓርቲ ብልፅግና ክልል ማእኸላዊ ኢትዮጵያ ዲላሞ ኦቶሬን (ዶ/ር )፣ ሓላፊ ቢሮ ጉዳያት ኮሙኒኬሽን እቲ ክልል ኣይተ ዘሪሁን እሸቱን ካልኦት ሓለፍቲ ስራሕን ኣብቲ መድረኽ ምርካቦም ኣብ ኮሙኒኬሽን እቲ ክልል ዝረኸብናዮ ሓበሬታ የረድእ፡፡ መሪሕ ያታ ምልዕዓል ልምዓት፣ ዝምድና ሓበራዊነትን ሕውነትን ይፈጥር-ዲያቆን ዳንኤል ክብረት ኣዲስ ኣበባ/መጋቢት/16/ 2017 /ኢዜአ/ዘተኣኻኽብ ያታ ሓበራዊነት ሰባት፣ ክብሪ ማንነት ንኽጉልብት ይሕግዝ እዩ ክብሉ ሚኒስትር ኣማኻሪ ዓውዲ ማሕበራዊ ቀዳማይ ሚኒስትር ሙሃዘ ጥበባት ዲያቆን ዳንኤል ክብረት ገሊፆም፡፡ ኣብ ክልል ማእኸላዊ ኢትዮጵያ “መሪሕ ያታ ንምህናፅ ውፅኢታዊ ሚዲያን ኮሙኒኬሽንን” ብዝብል መሪሕ ሓሳብ ንኣመራርሓታት ሚዲያን ኮሙኒኬሽንን ስልጠና ይውሃብ ኣሎ፡፡ ኣብቲ ስልጠና ዲያቆን ዳንኤል ክብረት÷ መሪሕ ያታ ታሪኽ ሃገር ንመፃኢ ተስፋን ሎሚን ዘለዎ ግደ ዝፍጠሩ ኩነታት እንዕዘበሉ እዩ ክብሉ ገሊፆም፡፡ መፃኢ ዕጫ ኢትዮጵያ ዝውሰን ብያታ ብምዃኑ ኣብ ዓውዲ ሚዲያን ኮሙኒኬሽንን እዙይ ብምጉላህ ሓበራዊነት ህዝቢን ሰናይ ክብሪን ክጉልብቱ ክሕግዝ ከምዝግባእ ኣገንዚቦም፡፡ ኣብቲ ስልጠና ሓላፊ ጨንፈር ቤት ፅሕፈት ፓርቲ ብልፅግና ክልል ማእኸላዊ ኢትዮጵያ ዲላሞ ኦቶሬን (ዶ/ር )፣ ሓላፊ ቢሮ ጉዳያት ኮሙኒኬሽን እቲ ክልል ኣይተ ዘሪሁን እሸቱን ካልኦት ሓለፍቲ ስራሕን ኣብቲ መድረኽ ምርካቦም ኣብ ኮሙኒኬሽን እቲ ክልል ዝረኸብናዮ ሓበሬታ የረድእ፡፡

  ኣዲስ ኣበባ/ መጋቢት/15/ 2017 /ኢዜአ/ፍሉይ ዞባ ኢኮኖሚ ኣዳማ÷ ካብ ኢንዱስትሪታት ዝወፅእ ፈሳሲ ጎሓፍ ብዘበናዊ መገዲ ንምቁፅፃር ዘኽእል ስርዓት ዲጂታል ስራሕ ኣጀሚሩ፡፡ እቲ ስርዓት ዲጂታል ኣወሃህባ ግልጋሎት ንምስላጥ ከምዝሕግዝ ዋና ፈፃሚ ስራሕ ኮርፖሬሽን ልምዓት ፓርክታት ኢንዱስትሪ ፍስሃ ይታገሱ (ዶ/ር) ገሊፆም፡፡ ኣብ ኣዳማ ዝተጀመረ ልምዲ ብምውሳድ ኣብ ካልኦት ዞባታት ኢኮኖሚ ንምትግባር ክስራሕ እዩ ምባሎም ኣብቲ ኮርፖሬሽን ዝተረኸበ ሓበሬታ የረድእ፡፡

  ኣዲስ ኣበባ/ መጋቢት/15/ 2017 /ኢዜአ/ ሚዲያን ኮሙኒኬሽንን ኣብ ህንፀት ሃገረ መንግስትን ትካላትን እጃሙ ንከበርክት ምስራሕ ከምዝግባእ ተገሊፁ፡፡ “መሪሕ ያታ ንምህናፅ ውፅኢታዊ ሚዲያን ኮሙኒኬሽንን” ብዝብል መሪሕ ሓሳብ ንኮሙኒኬሽንን ኣመራርሓታት ሚዲያን ክልል ማእኸላዊ ኢትዮጵያ ስልጠና ዓቕሚ ህንፀት ኣብ ከተማ ወልቂጤ ይሳለጥ ኣሎ፡፡ ሓላፊ ሚኒስትር ዓውዲ ርክብ ህዝብን ዓለም ለኸን ፓርቲ ብልፅግናን ቢቂላ ሁሪሳ (ዶ/ር)ን ሓላፊ ጨንፈር ቤት ፅሕፈት ፓርቲ ብልፅግና ክልል ማእኸላዊ ኢትዮጵያ ዲላሞ ኦቶሬን (ዶ/ር )ን ሓዊሱ ካልኦት ሓለፍቲ ኣብቲ መድረኽ ተረኺቦም፡፡ እቲ ስልጠና ውፅኢታዊ ስርዓት ሚዲያን ኮሙኒኬሽንን ብምዝርጋሕ ኣብ ተበፃሕነት ሓበሬታ ሓበራዊ ምርድዳእ ኣብ ምፍጣር ልዑል ግደ ክህልዎ ኢዩ ተባሂሉ። ንህዝቢ ኣብ ስራሕቲ ልምዓት ምልዕዓል ኣብ ምፍጣር እውን ሓጋዚ ከምዝኸውን ካብ ኮሙኒኬሽን እቲ ክልል ዝተረኸበ ሓበሬታ የረድእ፡፡

  ኣዲስ ኣበባ/ መጋቢት/13/ 2017 /ኢዜአ/ ሜዲካል ኮሌጅ ለካቲት 12 ሆስፒታል ሎሚ ዕለት ኣብ ዓውዲ ጥዕና ዘሰልጠኖም ተመሃሮ ኣመሪቑ፡፡ እቲ ሜዲካል ኮሌጅ÷ ምምሕዳር ከተማ ኣዲስ ኣበባ ከንቲባ ኣዳነች አበቤ ኣብ ዝተረኸባሉ ብ ማስተርስን ዶክትሬት ዲግሪን ኣብ ዝተፈላለዩ ዓውዲታት ዘሰልጠኖም ተመሃሮ እዩ ዘመረቐ፡፡ ከንቲባ ኣዳነች ኣበቤ ኣብቲ እዋን ÷ግልጋሎት ጥዕና ተበፃሒ ንምግባር ሕማም ንምክልኻልን ሓኪምካ ምድሓንን እናተሰርሐ ከምዝርከብ ኣረዲኤን፡፡ ኣብታ ከተማ ዓበይቲ ሪፈራል ሆስፒታላት ካብ ምህናፅ ኣልዒሉ ሆስፒታላት ብምምዕባል ናውትታት ሕክምናን ብቑዕ ሓይሊ ሰብን ኣብ ምምላእን ጠመተ ተዋሂቡ እናተሰርሐ ይርከብ ኢለን፡፡ ቱሪዝም ዓውዲ ጥዕና ንምዕባይ ብመንግስቲ ጥራሕ እኹል ብዘይምዃኑ ኣብ ውልቀ ዘፈር ንምስታፍ ጠመተ ከምዝተውሃቦ ኣረዲኤን፡፡ ሎሚ ዕለት ዝምረቑ ዘለው ሰብ ሙያታት ሙያኦም ብዝፈቕዶ ስነ-ምግባር ህዝብን ሃገርን ከገልግሉ ኣተሓሳሲበን፡፡

  ኣዲስ ኣበባ/መጋቢት/ 9/2017 (ኢዜኣ) ኣምባሳደር ኢትዮጵያ ኣብ ጀርመን እስክንድር ይርጋ ኣብታ ሃገር ምስ ዝነብሩ ኣባላት ዲያስፖራ ኢትዮጵያ ብበይነ መረብ ዘትዮም። ኣብቲ ዘተ፤ ኣንፈታት፣ውሳነታትን ቀፃሊ ዘፈራት ትኹረትን ፖሊሲ መንግስቲ ኢትዮጵያ ዝምልከት ነቶም ዲያስፖራት በቲ ኤምባሲ ገለፃ ተገይሩ። ብሄራዊ ኣተኣኻካቢ ተረኽ፣ስትራቴጂታት ህንፀት ሃገር፣ህንፀት ዘላቒ ሰላም፣ማሕበራውን ኢኮኖሚያውን ዛዕባታት ከምኡ እውን ኣንፈታት ፖሊሲ ጉዳይ ወፃኢ ካብ ዝተዘተየሎም ዛዕባታት እዮም። እቶም ኣባላት ማሕበረሰብ ዲያስፖራ ንውፅኢታውነት ትግበራ እቶም ፖሊሲታት ይጠቕሙ እዮም ዝበልዎም ሓሳባት ከምዘልዐሉ ካብ ኤምባሲ ኢትዮጵያ ኣብ ጀርመን ዝተረኸበ ሓበሬታ የመላኽት። እቲ ኤምባሲን ዲያስፖራታትን እቶም ፖሊሲታት ውፅኢታዊ ንክኾኑ ብሓባር ንምስራሕ ከምዝተስማዕምዑ እውን ተገሊፁ።

  ኣዲስ ኣበባ/ መጋቢት/9/ 2017 /ኢዜአ/ኣባላት ኣመራርሓ ዩኒቨርሲቲ ኣዲስ ኣበባ፣ ምሁራንን ሰራሕተኛታትን ኣብ ኣዲስ ኣበባ ዝተፈላለዩ ስራሕቲ ልምዓት ዘተዋዊሮም ተዓዚቦም፡፡ ተተካኢ ፕሬዚዳንት ዩኒቨርስቲ ኣዲስ ኣበባ ሳሙኤል ክፍለን(ዶ/ር) ሓዊሱ ምክትል ፕሬዚዳንት፣ ዲናት ዝተፈላለያ ክፍሊ ትምህርቲ፣ ሙሁራን እቲ ዩኒቨርስቲን ሰራሕተኛታት ኣብቲ ዑደት ተሳቲፎም። ዑደት ካብ ዘካየዱሎም ስራሕቲ ልምዓት ውሽጢ፥ ማእኸል ዓለም ለኸ ኮንቬንሽን ኣዲስን ስራሕቲ ኮሪደር ልምዓትን ከምዝርከቡ ተፈሊጡ አሎ፡፡

  ኣዲስ ኣበባ/ መጋቢት/7/ 2017 /ኢዜአ/ኣብ ክልል ትግራይ ኣብ ዝርከባ ኣናእሽቱ ከተማታት ወረዳ ኣማራፂ ኢነርጂ ንምስፍሕፋሕ ዝዓለመ ምንቅስቓስ ይካይድ ከምዘሎ ቢሮ ማይን ኢነርጅን ግዚያዊ ምምሕዳር ክልል ትግራይ ገሊፁ። ዳይሬክቶሬት ልምዓት ኢነርጂ እቲ ቢሮ፥ ኣብ ወረዳ ታሕታይ ቆራሮ ንመናእሰይን ገባራትን ናይ ባዮ ማስ ቆጠብቲ እቶናትን ናይ ሶላር ቴክኖሎጂታትን ንምትእትታው ዝዓለመ ናይ ምልላይ ስራሕቲ ይሳለጥ ኣሎ። እቲ ኣካል ኣብ ገጠር ወረዳታት ኣብ ዘለዋ ከተማታት ኣማራፂ ኢነርጂ ንምስፍሕፋሕ ዝዓለመ መድረኽ ምልላይ ከምዝኾነ ኣብሪሁ። ዉሕስንኦም ዝተረጋገፀ፣ ቆጠብቲ ወፃእን ሓይልን ብልቓሕ ኣማራፂ ኢነርጂ ንምስፍሕፋሕ ናይ ምልላይ፣ ምሻጥን ምዝገባን ስራሕቲ ይሳለጥ ምህላዉ ካብቲ ቢሮ ዝረኸብናዮ ሓበሬታ የረድእ።

  ኣዲስ ኣበባ/መጋቢት /6/2017 (ኢዜኣ) መራሕቲ ሃገራት ምብራቕ ኣፍሪካ ኣብቲ ዞባ ዘላቒ ሰላም ንክረጋገፅ ኣብ ምትእምማን መሰረት ዝገበረ ምትሕብባር ከጠናኽሩ ከምዘለዎም ኢዜኣ ዘዘራረቦም ጋዜጠኛታት ሃገራት ምብራቕ ኣፍሪካ ገሊፆም። ካብ ሃገራት ምብራቕ ኣፍሪካ ዝተውፃእፅኡ ጋዜጠኛታት ኣብ ዞባዊ ሰላም፣ልምዓትን ምትእስሳርን ጠመተ ብምግባር ኣብ ስቱድዮ ናይ ኢትዮጵያ ዜና ኣገልግሎት(ኢዜኣ) ዘትዮም። እቶም ጋዜጠኛታት ኣብ ዝነበሮም ዘተ፤ መራሕቲ ሃገራት እቲ ዞባ ኣብ ሃገራውን ዞባውን ዘላቒ ሰላምን ምርግጋዕን ንምርግጋፅ ኣብ ምትእምማን መሰረት ዝገበረ ምትሕብባር ከጠናኽሩ ከምዘለዎም ገሊፆም። ኬንያዊ ጋዜጠኛ ናሊስተን ጃጊ፤ ተለዋዋጢ ኣብ ዝኾነ ኩነታት ሰላምን ፀጥታን ዞባ ምብራቕ ኣፍሪካ ብመሰረት”ንኣፍሪካዊ ፀገም፤ ኣፍሪካዊ መፍትሒ” ዝብል ቀዋም ንዘላቒ ሰላም ምትሕብባር ይግባእ ኢሉ። ጋዜጠኛ ደቡብ ሱዳን ናሊስተን ጃጊ ብግድኡ፤ ንዞባዊ ፀገማት ጎረባብቲ ሃገራት ካብ ካሊእ ብዝሓሸ ብቐረባ ምዝታይን ነቲ ፀገም መፍትሒ ምንዳይን እምበር ሳልሳይ ወገን ምዕዳምን እቲ ጉዳይ ምግዳድን ከምዘይግበአን ሓቢሩ። ኡጋንዳዊት ጋዜጠኛ ዲያና ኣኩሎ፤ ሰላም ንምርግጋፅ ሚድያ ወሳኒ እጃም ከምዘለዎ ብምሕባር ጋዜጠኛታት ጎንፂ ኣብ ምግዳድ ዘይኮነስ ዞባዊ ሓድነትን ሰላምን ኣብ ምርግጋፅ ንክሰርሑ ሓቲታ። ዝተዛብዑን ዝተሰሓሓቱን ሓበሬታታት ማሕበራውን ፖለቲካውን ቅልውላው እናፈጠርሉ ኣብ ዘለውሉ እዋን እቲ ትኽክለኛ ሓበሬታ ኣብ እዋኑ ምዝርጋሕ ኣድላይ ከምዝኾ እውን ተዛሪባ።

  ኣዲስ ኣበባ/ መጋቢት/6/ 2017 /ኢዜአ/ኢትዮጵያ ሰገናት ብፈጠራን ፍልጠት ቴክኖሎጂን ንምብቃዕ ዘለዋ ቆራፅነት ኤምባሲ ኣሜሪካ ኣብ ኢትዮጵያ ንኢዱ፡፡ ሳይንስ ሙዚየም ሓዊሱ ፍልጠት ፈጠራን ቴክኖሎጂን ሰገናት ንምድንፋዕ እናተወገኑ ዝርከቡ ተግባራት ኢትዮጵያ እቲ ዓውዲ ንምዕባይ ዘለዋ ቆራፅነት ዘርኢ ከምዝኾነ ኣብቲ ኤምባሲ ምክትል ሓላፊ ጉዳያት ባህሊ ስትዋርት ዴቪስ ገሊፆም። ኣሜሪካ መፃኢ ዘበን መሪሕ ዓውዲ ሳይንስን ቴክኖሎጂን ንዝኾኑ ኣፍሪካዊያን መናእሰይ ብሳይንስ፣ ቴክኖሎጂ፣ ኢንጂነሪንግን ሒሳብ (ስቴም)ን ሓገዝ እናገበረት ከምዝኾነት እውን ተዛሪቦም። ካብ ዝተፈላለያ ክልላት ኢትዮጵያ ብሽዱሽተ ማእኸላት ስቴም ስልጠና እናተውሃበ ከምዝኾነ ብምሕባር፤ ኣብ ሃዋሳ ተወሳኺ ማእኸል ንምኽፋት እናተሰርሐ ከምዝኾነ ምግላፆም ኢዚኣ ፀብፂቡ።

  ኣዲስ ኣበባ/ መጋቢት/5/ 2017 /ኢዜአ/ሰብ ሞያ መራኸብቲ ሓፋሽ ተለዋዋጣይ ነባራዊ ኩነታት ዓለም ብምግንዛብ ረብሓ ኢትዮጵያ ኣብ ዝሕልዉ ስራሕቲ ትኹረት ብምግባር ክሰርሑ ተሓቲቱ። ተለዋዋጣይ ነባራዊ ኩነታት ዓለምን ጂኦ-ፖለቲካል ኣሰላልፋን ኣብ ስራሕቲ ሚዲያ ዝህልዎ ትርጉም ትኹት ዝገበረ ስልጠና ተኮር መድረኽ ፓናል ዘተ ይካድ ኣሎ። እቲ መድረኽ ናይ ኢትዮጵያ ዜና ግልጋሎት ምስ ኢንስቲትዩት ጉዳያት ወፃኢን ሆርን ሪቪው ምስ ዝተብሃለ ትካል ኦንላይን ሚዲያን ብምትሕብባር ዝተሰናደአ ኢዩ። ካብ ዝተፈላለያ ትካላት መራኸቢ ሓፋሽ ዝተውፃእፅኡ ሰብ ሞያ ዝተሳተፉሉ እቲ መድረኽ÷ ሰብ ሞያ መራኸቢ ሓፋሽ ኣብ እዋናዊ ተለዋዋጢ ኩነታት ዓለምን ጂኦ-ፖለቲካዊ ጉዳያትን ግንዛቤ ብመሓዝ ንኽሰርሑ ንምሕጋዝ ዓሊሙ ዝተሰናደአ ከምዝኾነ ተገሊፁ። ምክትል ዋና ዳይሬክተር ኢኒስቲትዩት ጉዳያት ወፃኢ ኣብዲ ዘነበ፣ ላዕለዋይ ዲፕሎማት ሚኒስቴር ጉዳያት ወፃኢ ዘሩባቤል ጌታቸው (ዶ/ር)፣ ሓዊሱ ዕድመ ዝተገበረሎም ኣጋይሽ ተረኺቦም። ኣይተ በረከት ድሪባ ኣብቲ እዋን ከምዝበሉዎ÷ መራኸብቲ ሓፋሽ ረብሓ ኢትዮጵያ ኣብ ምኽባር ልዑል ዓቕሚ ዲፕሎማሲ ዝፈጥራ ኢየን። ነዚ ድማ ድሌትን ፖሊሲ ጉዳያት ወፃኢን ኢትዮጵያ ምርዳእ ከምዝግባእ ብምሕባር÷ መሰል መድረኻት መዕበዪ ግንዛበ ረብሐኦም ክብ ዝበለ ከምዝኾነ ገሊፆም። ኢንስቲትዩት ጉዳያት ኣብቲ ዓውዲ ዓቕሚ መራኸብቲ ሓፋሽ ኣብ ዘዕብዩ ስራሕቲ ብትኹረት ከምዝሰርሕ ምርግጋፆም ኢዚአ ፀብፂቡ።

  ኣዲስ ኣበባ/መጋቢት /3/2017 (ኢዜኣ) መራኸብቲ ሓፋሽ ስራሕቲ ጥበብን ባህልን ብምጥቃም ምስሊ ሃገር ከጉልሁ ከምዝግባእ ሚኒስትር ዲኤታ ኣገልግሎት ኮሙኒኬሽን መንግስቲ ተስፋሁን ጎበዛይ ገሊፆም። ኢትዮጵያ “ባህልን ጥበባትን ንዞባዊ ምትእስሳር ህዝቢ ምስ ህዝቢ” ኣብ ትሕቲ ዝብል መሪሕ ሓሳብ ካብ 11 ክሳብ 14 መጋቢት 2017 ዓ/ም ካልኣይ ፌስቲቫል ባህልን ጥበባትን ምብራቕ ኣፍሪካ ክተዳልው እያ። ኣብቲ ፌስቲቫል ዝጠመተ ንትካላት መራኸብቲ ሓፋሽ መድረኽ መጨበጢ ግንዛበ እናተኻየደ እዩ ዝርከብ። ሚኒስትር ዲኤታ ኣገልግሎት ኮሙኒኬሽን መንግስቲ ተስፋሁን ጎበዛይ ኣብዚ መድረኽ ተረኺቦም ከምዝበልዎ፤ ኢትዮጵያ ኣብ ፖሊሲ ጉዳይ ወፃኢኣ ቀዳምነት ንጎረቤት ሃገራት እያ ትህብ። ኢትዮጵያ ምስ ጎረባብቲ ሃገራት ኣብ ሓባራዊ ረብሓ መሰረት ዝገበረ ጠንካራ ርክብ ከምዘለዋ ብምሕባር፤ እዚ ምትእስሳር ብዝበለፀ ምጥንኻር ከምዝግባእ ሓቢሮም። ኣብ ጎረቤት ሃገራት ዘሎ ተመሳሳሊ ባህሊ ንሰናይ ተግባር ምጥቃምን ልምዓት እቲ ዞባ ምቅልጣፍን ከምዝግባእ እውን ተዛሪቦም። ምትእስሳር ህዝቢ ምስ ህዝቢ እቲ ዞባ ብዝበለፀ ንምጥንኻር ባህልን ኪነ ጥበብን ቁልፊ እጃም ከምዘለዎ ገሊፆም። ባህልን ኪነ ጥበብን ምትእስሳር ህዝቢ ምስ ህዝቢ ብዝበለፀ ንከጠናኽሩ መራኸብቲ ሓፋሽ ካብቲ ዝተለመደ ፀብፃብ ብዝበለፀ ብዕምቆትን ስፍሓትን ክፅብፅቡን ከላልዩን ከምዘለዎም እውን ኣረዲኦም። መራኸብቲ ሓፋሽ ብሄራዊ ረብሓ ሃገር ኣብ ዘረጋግጹ ዛዕባታት ሓባራዊ ግንዛበ ክሕዙን ምስሊ ሃገር ዘላልዩ ፀብፃባት ክሰርሑን ኣለዎም ኢሎም።

  አዲስ አበባ/መጋቢት/1/2017/ኢዜአ/ኣብ ሃገርና ብዙሓት ስራሕ ዘሰኣኑ መናእሰይ እንተሃለው 'ውን ኣፍራያይ ኢንዱስትሪ ዝጠልቦ ክእለት ዘማልኡ ግና ውሑዳት 'ዮም ክብሉ ሚኒስትር ዲኤታ ኢንዱስትሪ ኣይተ ታረቀኝ ቡሉልታ ገሊፆም። ኣብ መነጎ ኣፍራያይ ኢንዱስትሪን ክእለት ዘለዎ ስራሕ ዝሰኣነ መንእሰይን ዘሎ ኣፈላይ ምፅባብ የድሊ ዝበሉ ኣይተ ታረቀኝ፤ ነዚ 'ውን ሚኒስቴር ኢንዱስትሪ ምስ ስራሕ ክእለትን ሚኒስቴር ብምዃን ብምትሕብባር እናሰርሐ 'ዩ ኢሎም። ካብዚ ብዝሓለፈ ሚኒስቴር ኢንዱስትሪ ማእኸላት ስልጠና ዘለውኦ እንትኸውን ንኣብነት ብዘፈር ቆርበትን ጨርቃመርቂን ብቁዕ ሓይሊ ሰብ ናይ ምፍራይ ስራሕ እናሰርሑ ምዃኖም 'ውን ገሊፆም። ክእለትን ግብርናን፣ ቱሪዝምን ማዕድንን ዘፈር ኢንዱስትሪ ንምዕባይ ወሳኒ 'ዩ። ነዚ ድማ እቲ ቤት ዕዮ ሚኒስቴር" ዓቕሚ ሀንፀት ስትራቴጂ ኢንዱስትሪ " ተዳሊዩ 'ዩ ኢሎም።

  አዲስ አበባ/መጋቢት/1/2017/ኢዜአ/መስራቲት ፋሽን ማፊ ማፊ ብራንዲንግ ማህሌት ኣፈወርቅ ክህሎት ስለኢትዮጵያ : ብዝብል ኣብ ዝተዳለወ መድረኽ ኣብ ዘቅረበቶ መዛተይ ሓሳብ ከምዝገለፀኦ : ንሓደሽቲ ስራሕ ፈጠርቲ መናእሰይ ናይ ፋይናንስ : መስርሒ ቦታን ኣቅርቦት ቴክኖሎጂ ወሰንቲ 'ዮም። ንስራሕ ፈጠርቲ መበገሲ ገንዘብ መስርሒ ቦታ ምትእስሳር ዕዳጋ ኣድለይቲ ከምዝኾኑ ድሕሪ ምግላፅ ፅሬት ትምህርቲ ምርግጋፅ ድማ ናይቲ ዘፈር ወሳኒ ጉዳይ 'ዩ ክብላ ገሊፀን። ኢንዱስትሪ ፋሽን በቢግዚኡ ክሰፍሕ ዝኽእል 'ዩ ዝበለት ወይዘሮ ማህሌት እቲ ፋሽን ኢንዱስትሪ ትኹረት ክወሃበሉን ክስረሐሉን ይግባእ። ፅሬት ዘለዎ ትምህርቲ ተማሂሩ ዝወፅእ ዜጋ ምፍጣር ወሳኒ ምዃኑ : ሕድሕድ ኢንዱስትሪ ዘድልዮ ፅሬት ዘለዎን ብቁዕ ዜጋ ንምፍራይ ምስራሕ ከምዘለዎ ኣብሪሀን። ውልቀ ሴክተር ክፍተት ክህሎት ንምምላእ ምስ መንግስቲ ብምትሕብባር ምስራሕ ከምዝግባእ ገሊፀን።

  አዲስ አበባ/ መጋቢት 01/2017(ኢዜአ)፦ ሃርበኝነት ናይ ሎሚ ዘበን ብዓርሰ ክእለት ዝበልፀገት ኢትዮጵያ ምህናፅ ክም ዝካአልሚኒስትር ስራሕን ክእለትን ሙፈሪሃት ካሚል ገሊፀን። ወለዶ ናይ ሎሚ ዘበን መስዋእትነት ህይወት ምኽፋል ከየድለዮ ብኽእለት ጥራሕ ንኢትዮጵያ ምህናፅ ይኸእል እዩ። እተን ሚኒስትር ብትካል ፕረስ ኢትዮጵያ ዝተሰናድአ “ክእለት ንኢትዮጵያ” ዓውደ ርእይ ሰእልን ፓነል ዘተን ከፊተን። ከእለት ኢትዮጵያ ንውልቀ ዘይኮነስ ብሓባር መስራሕ ዘድሊዮ ተግባር ከምዝኾነ ተዛሪበን። ብዛዕባ ኢትዮጵያ ምዝርራብ ዝተፈለየ ስምዒት ከምዝህብ ብምግላፅ፥ ሃገር ንምህናፅን ናይ ባዕልትና ዓድዋ ንምፍጣርን እንታይ ክንገብር ከምዘለና ጭቡጥ ፍልጠት እንረኽበሉ ኢዩ ኢለን። ኣብዚ ሐዚ እዋን ኣብ ትካላት ቴክኒክን ሞያን ካብ 3 ነጥቢ 5 ሚሊየን ንላዕሊ ዜጋታት ይስልጥኑ ከምዘለዉ ገሊፀን።

  ኣዲስ ኣበባ/ ለካቲት/30/ 2017 /ኢዜአ/ኢትዮጵያ ድሮን ብምፍራይ ካብ ምጥቃም ብተወሳኺ ንዕዳጋ ወፃኢ ምቕራብ ዘኽእል ዓቕሚ ከምዝሃነፀት ቀዳማይ ሚኒስትር ኣቢይ ኣሕመድ(ዶ/ር) ኣፍሊጦም። እቶም ቀዳማይ ሚኒስትር ንሲቪልን ወታደራዊ ኣገልግሎትን ዝውዕላ ሰብ ኣልባ ድሮናት ዘፍሪ ስካይ ዊን ኢንዱስትሪ መሪቖም ከፊቶም። እቲ ኢንዱስትሪ ኢትዮጵያ ኣብ ዓውዲ ፀጥታን ድሕንነትን ብቴክኖሎጂ ዓርሳ ንምኽኣል ዝጀመረቶ ፃዕሪ ሓደ ኣካል ከምዝኾነ ተዛሪቦም። እቲ ኢንዱስትሪ ዘፍርየን ድሮናት ኢትዮጵያ ሉኣላዊነታ ናይ ምሕላው ዓቕማ ብዝበለፀ ዘዕብዩ ከምዝኾነ ኣረዲኦም። እተን ድሮናት ኣብ ልዑል መልክኣ ምድሪ ብብቕዓት ኣገልግሎት ዝህባን ፃረ ድሮን እውን ዝተዓጠቓን ከምዝኾና ኣረጋጊፆም። ኣርቲፊሻል ኢንተለጀንስ ብልዑል ብርኪ ከምዝጥቀማ እውን ተዛሪቦም። እተን ድሮናት ሓበሬታ ፥ይእክባ፣ ፥ይከላኸላ፣ ከም ኡ እውን ንምጥቃዕ ዘኽእል ዓቕሚ ፥ከም ዘለወን ብምግላፅ፥ ኢትዮጵያ ድሮን ንዕዳጋ ወፃኢ ምቕራብ ዘኽእል ዓቕሚ እውን ከምዝሃነፀት ኣረዲኦም። ኣብ ቀፃሊ ኣብቲ ዓውዲ ዝሰርሑ ትካላት ብዝበለፀ ብምውዳድ ስራሕቲ ምርምር ተጠናኺሩ ከምዝቕፅል ሓቢሮም።

  ኣዲስ ኣበባ/ ለካቲት/28/ 2017/ ኢዜአ/ሚኒስትር ኢኖቬሽንን ቴክኖሎጂን በለጠ ሞላ (ዶ/ር) ምስ ዳይሬክተር ዓለም ለኸ ቴሌኮሚኒኬሽ ኣብ ዞባ ኣፍሪካ ኢማኑኤል ምናሴ (ዶ/ር) ብሓባር ንምስራሕ ዘኽእሉ ጉዳያት ተዛትዮም፡፡ ኣብ ዘተኦም ድማ ኢትዮጵያ ትግበራ ዲጂታል ትራንስፎርሜሽን ሓጋዚ ምዃኑ ብሓባር ምስራሕ ዲጂታል ኢኮኖሚ ንምጉልባት ዝዓለመ ከምዝኾነ ተገሊፁ፡፡ በለጠ ሞላ (ዶ/ር) ኣብቲ እዋን÷ ኢትዮጵያ ኣብ ህንፀት ዲጂታል ኢኮኖሚ ጠመተ ሂባ ብምስራሕ ምስ ዝምልከቶም ኣካላት ብምትሕብባርን ምዉዳብን ቀፃሊ ዝኾነ ሃገራዊ ኢኮኖሚ ንምፍጣር እናሰርሐት ከምዘላ ገሊፆም፡፡ ዕብየት ኢኮኖሚ ኢትዮጵያ ንምቅልጣፍ ዲጂታል ትራንስፎርሜሽን ጋህዲ ምግባር ወሳኒ እዩ ዝበሉ እቶም ሚኒስትር÷ ኣብ ዲጂታል ኢኮኖሚ ብምትሕብባር ዓዉዲ ዲጂታል ቴክኖሎጂ ተረባሕነት ንምርግጋፅ ናይ ኩሉ ተሳትፎ ዕዙዝ ግደ ከምዘለዎ ኣገንዚቦም፡፡ ኢማኑኤል ምናሴ (ዶ/ር) ብወገኖም÷ “ኢትዮጵያ ኣብ ዓዉዲ ዲጂታል እተካይዶ ዝበረታታዕ ፃዕሪ ዉፅኢታዊ ንክኾን ኣድላዪ ምትሕብባር ብምግባር ብሓባር ክንሰርሕ ኢና ኢሎም፡፡ ትግበራ ዲጂታል ትራንስፎርሜሽን ኢትዮጵያ ንምስላጥ ዘኽእል ህንፀት ሓይሊ ሰብ ሰፋሕቲ ስራሕትታት ንምስራሕ ልዑል ድልየት ከምዘለዎም ዳይሬክተር ዓለም ለኸ ቴሌኮሚኒኬሽ ኣብ ቀጣና ኣፍሪካ ኢማኑኤል ምናሴ (ዶ/ር) ምግላፆም ካብቲ ሚኒስቴር ዝረኸብናዮ ሓበሬታ የመላኸት፡፡

  መቐለ/ለካቲት 21/2017 (ኢዜአ)፦ አብ ልዕሊ አብ ማሕበራዊ ሚዲያ ናይ ሓሶት መረዳእታ ዝውዝዑ አካላት ታሓታትነት ምርግጋፅ ይግባእ ክብሉ ሙሁራን አታሓሳሲቦም ንማሕበራዊ ሚዲያ ተጠቒሞም ናይ ሓሶት መረዳእታን ፅልእን ዝዝርግሑ አካላት ቑፅፅርን ታሓታትነትን ምርግጋፅ ከምዝግባእ ኢዜአ ዘዘራረቦም ሙሁራን ዩኒቬርስቲ መቐለ ተዛሪቦም አብ ልዕሊ ናይ ሓሶት ዘረባን ፅልአትን ዝተመልኦ መረዳእታ ዝዝርግሑ አካላት መንግስቲ ጥቡቐ ቑፅፅር ክገብር አለዎ ዝበሉ እቶም ምሁራን እቶም ውልቀሰባት እውን ህዝብን ሃገርን ካብ ምድንጋርን ምግጫውን ክዕቀቡ ከምዘለዎም አመልኪቶም ። አብ መቐለ ዩኒቬርሲቲ መምህራን ስነዜጋን ስነምግባርን ከምዝበልዎ ብማሕበራዊ ሚዲያ አቢሎም ዝማሓላለፉ ናይ ሓሶትን ፅልእን መረደእታታት መበገሲ ጎንፅን ዘይምርግጋዕን ከምዝኾኑ ፀሪሖም። ብፍላይ አብ ወፃኢ ሃገራት ኮይኖም ሰላም ህዝብን ሃገርን ንምሕማስ ብስፍሓት ዝንቐሳቐሱ አካላት ከምዝለውን ምልክዕ ክሕዙን ከምዝግባእ ሓቢሮም።

  ኣዲስ ኣበባ/ ለካቲት/21/ 2017 /ኢዜአ/ንዕቤት ኢኮኖሚ መሰረት ዘንብሩ ስራሕቲ ዲጂታል ትራንስፎርሜሽን ከምዝተወገኑ ሚኒስቴር ኢኖቬሽንን ቴክኖሎጂን ኣፍሊጡ። እቲ ሚኒስቴር ምስ ኤክስቴንሲያ ብምትሕብባር ንክልተ መዓልቲታት ኣብ ቴክኖሎጂ፣ ሰብ ስራሕ ምስትውዓልን ዲጂታል ምምሕዳርን ጠሚቱ እናካየዶ ዝፀንሐ ጉባኤ ዛዚሙ። ካብ ዝተፈላለያ ሃገራት ኣፍሪካ ዝተውፃእፅኡ ልዕሊ 300 ተሳተፍቲ ዝተሳተፉሉ እቲ ጉባኤ ኣብ ኣፍሪካ ቅልጡፍ ዲጂታል ትግበራ ትራንስፎርሜሽን ንምቅልጣፍ ኣብ ዝከኣለሎም ጉዳያት ንምውሳን ዝዓለመ ከምዝኾነ ተገሊፁ፡፡ ሚኒስትር ዴኤታ ኢኖቬሽንን ቴክኖሎጂን ይሽሩን ኣለማየሁ (ዶ/ር)÷ ኢትዮጵያ ኣብ ህንፀት ዲጂታል መሰረተ ልምዓትን ሰብ ስራሕ ምስትውዓልን ኣብ ቀፃሊ ከሰጉሙ ዝኽእሉ ፖሊሲታት ብምሕንፃፅ እናሰርሐት ከምዝኾነት ገሊፆም፡፡ ኣብ ዓውዲ ዲጂታል ኢኮኖሚ ሓደሽቲ ዕድላት ንምምፃእ ኣብ ህንፀት መሰረተ ልምዓት ኣርተፊሻል ኢንተለጀንስ፣ ስታርትኣፕን ኣይ ሲ ቲን ዝተሰርሑ ስራሕቲ ንዕቤት ኢኮኖሚ መሰረት ከምዘንብሩ ተዛሪቦም፡፡ ኣብቲ ጉባኤ ኣብ ድሕንነት ሳይበር፣ ኣብ ስማርት ከተማታት ከምኡ እውን ንዲጂታል መሰረተ ልምዓት ዝሕግዙ ልዝባት ከምዝተገበሩ ሓበሬታ እቲ ሚኒስቴር የመላኽት፡፡