ኢትዮጵያ ንሰገናት ብቴክኖሎጂ ንምብቃዕ ዘለዋ ቆራፅነት ዘደንቕ ኢዩ - ኤምባሲ ኣሜሪካ - ኢዜአ ትግርኛ
ኢትዮጵያ ንሰገናት ብቴክኖሎጂ ንምብቃዕ ዘለዋ ቆራፅነት ዘደንቕ ኢዩ - ኤምባሲ ኣሜሪካ

ኣዲስ ኣበባ/ መጋቢት/6/ 2017 /ኢዜአ/ኢትዮጵያ ሰገናት ብፈጠራን ፍልጠት ቴክኖሎጂን ንምብቃዕ ዘለዋ ቆራፅነት ኤምባሲ ኣሜሪካ ኣብ ኢትዮጵያ ንኢዱ፡፡
ሳይንስ ሙዚየም ሓዊሱ ፍልጠት ፈጠራን ቴክኖሎጂን ሰገናት ንምድንፋዕ እናተወገኑ ዝርከቡ ተግባራት ኢትዮጵያ እቲ ዓውዲ ንምዕባይ ዘለዋ ቆራፅነት ዘርኢ ከምዝኾነ ኣብቲ ኤምባሲ ምክትል ሓላፊ ጉዳያት ባህሊ ስትዋርት ዴቪስ ገሊፆም።
ኣሜሪካ መፃኢ ዘበን መሪሕ ዓውዲ ሳይንስን ቴክኖሎጂን ንዝኾኑ ኣፍሪካዊያን መናእሰይ ብሳይንስ፣ ቴክኖሎጂ፣ ኢንጂነሪንግን ሒሳብ (ስቴም)ን ሓገዝ እናገበረት ከምዝኾነት እውን ተዛሪቦም።
ካብ ዝተፈላለያ ክልላት ኢትዮጵያ ብሽዱሽተ ማእኸላት ስቴም ስልጠና እናተውሃበ ከምዝኾነ ብምሕባር፤ ኣብ ሃዋሳ ተወሳኺ ማእኸል ንምኽፋት እናተሰርሐ ከምዝኾነ ምግላፆም ኢዚኣ ፀብፂቡ።