ኣዲስ ኣበባ/ ሕዳር/5/ 2017 /ኢዜአ/ኢትዮጵያ ቃል ዝኣተወትሎም ስምምዕነታት ለውጢ ከባብያዊ አየር ቆፂራ እተረክብ ከምዝኾነት ፕሮግራም ልምዓት ውድብ ሕቡራት መንግስታት(ዩኤንዲፒ) ገሊፁ። ካብ ዱባይ ክሳብ ባኩ ኣብ ዝሓለፈ ሓደ ዓመት ኢትዮጵያ ኣብ ለውጢ ከባብያዊ አየር ዝሰርሓቶም ስራሕቲ ዝጠመተ መድረኽ ዘተ ምስ መዳርግቲ ትካላት ፓቪሊዮን ኢትዮጵያ ተኻይዱ። ሚኒስትር ልምዓትን ፕላንን ፍፁም ኣሰፋ(ዶ/ር)፥ ኢትዮጵያ ካብ ለውጢ ፖሊሲ ጀሚሩ ኣብ ሓምለዋይ ኣሰር፣ ተሓዳሲ ሓይሊ ከምኡውን ብኣዝርእቲ ዓርሳ ንምኽኣል ብዙሓት ስራሕቲ ተሳልጥ ከምዘላ ገሊፀን። ኣብ ጉባኤ ኮፕ28 ዝተኣተዉ ስምምዕነታት ለውጢ ከባብያዊ አየር ከምዝፈፀመት እውን ተዛሪበን። መሻርኽቲ ልምዓት ብግደኦም፥ ዓለም ዝዓረቑ ከባቢታት ብደኒ ንምሽፋን ኣማራፅታት ሓይሊ ሙሉእ ንሙሉእ ብተሓዳሲ ሓይሊ ንምትካእ ዝሓዘቶ ትልሚ ኢትዮጵያ ቀዲማ ጀሚራቶ ኢያ ኢሎም። ብፍላይ ኣብ ሓምለዋይ ኣሰር ዝስራሕ ዘሎ ስራሕ ንካልኦት ሃገራት ዓለም ኣብነት ዝኸወን ኢዩ ኢሎም። ስለዝኾነ ኢትዮጵያ ንእትሰርሖ ዘላ ስራሕ ደገፍ ክንገብር ኢና ምባሎም ኣብቲ ሚኒስቴር ዝረኸብናዮ ሓበሬታ የረድእ።

  ኣዲስ ኣበባ/ሕዳር 4/2017 (ኢዜኣ) ኢትዮጵያ ናይ ስምምዕ ፓሪስን ዝሓለፈ ዓመት ኮፕ 28ን ሓላፍነታ ብሰለስተ ስራሕቲ ተግባራዊ እናገበረት ትርከብ ክብሉ ቀዳማይ ሚኒስትር ዐቢይ ኣሕመድ (ዶ/ር) ገሊፆም። እቶም ቀዳማይ ሚኒስትር ኣብ ማሕበራዊ ምትእስሳር ገፆም ኣብ ዘመሓላለፍዎ መልእኽቲ ከምዝበልዎ፤ ኢትዮጵያ ናይ ስምምዕ ፓሪስን ዝሓለፈ ዓመት ኮፕ 28ን ሓላፍነታ ብሰለስተ ስራሕቲ ተግባራዊ እናገበረት እያ። እቲ ቀዳማይ ስራሕ ሓምለዋይ ኣሰር እንትኸውን 40 ቢልዮን ፈልስታት ብምትካል ሽፋን ደኒ ብ6 ሚኢታዊ ንክዓቢ ገይሩ እዩ ኢሎም። እቲ ካልኣይ ድማ ኣብ 2015 ሕፅረት ፍርያት ናብ ትርፊ ፍርያት ዝቐየሮ ብመስኖ ዝለምዐ መርሃ ግብሪ ስርናይ እንትኸውን፤ ብፍልፍል ሓይሊ ዝተሓገዙ መንገድታት አጋር ዘለውዎምን ተሽከርከርቲ ኤሌክትሪክ ዝቐረብሎምን ዘላቕን ሓምለዋይን ከተማታት ዝፈጠሩ ንሓለዋ ለውጢ ከባብያዊ ኣየር ምችዋት ዝኾኑ ፕሮጀክትታት ዘበናዊ ልምዓት ከተማ ድማ እቶም ዝተረፉ ስራሕቲ እዮም ክብሉ ገሊፆም። ኮፕ 29 እናተኻየደሉ ኣብ ዘሎ እዋን ኢትዮጵያ ቅልውላው ለውጢ ከባብያዊ ኣየር መፍትሒ ንክረክብ ዝሳለጡ ስራሕቲ ፋይናንስ ዕላማ ካብ ምግባር ብተወሳኺ ፍትሓዊ ተረባሕነት ዘረጋግፁ ሓባራዊ ግን ድማ ብሕድ ሕድ ዝተፈለዩ ሓላፍነታት ኢሉ እውን ታሪኻዊ ተሓታትነት ዝሓቱ ክኾኑ ከምዘለዎም ኣፅንኦት ሂባ እያ ኢሎም።

    አብ አዘርባጃን ባኩ ይካየድ አብ ዘሎ ምበል 29 ጉባኤ ለውጢ ከባብያዊ አየር ሕቡራት መንግስታት (COP29) ኢትዮጵያ ንተሳልጦ ዘላ ለውጢ ከባብያዊ አየር ዝኸውን እኹል ደገፍ ሓገዝ ገንዘብ ንክቐርብ ሕቶ አቐሪባ ። ሃገርና ንለውጢ ከባብያዊ አየር ንምልዋጥ ዘለዋ ትብዓት ዘርእዩ መፍለይ ዝኾኑ ሓምለዋይ አሰር ፣ፕሮጀክት ታሃዳሲ ሓይሊ፣ ከምኡ እውን ፍርያት ስርናይ ሓጋይ አቐሪባ አላ ። ብሓምለዋይ አሰር አቢሎም ዝተረኸቡ ውፅኢታት ኢትዮጵያ አብ COP29 አብ ርአይ መካነ ኢትዮጵያ ቀሪቦም-ቤት ፅሕፈት ቀዳማይ ሚኒስትር ።

  ኣዲስ ኣበባ/ሕዳር /3/2017 (ኢዜኣ) ኣብ ኣዘርባጃን ከተማ ባኩ እናተኻየደ ኣብ ዘሎ ጉባኤ ኮፕ 29 ኢትዮጵያ ኣብ ሓምለዋይ ኣሰርን ሓለዋ ከባብን ትሰርሖ ዘላ ስራሕ ዘርኢ መካነ ርዕይ(ፓቪሊየን) ብፕሬዚዳንት ታዬ ኣጽቀሥላሴ ተመሪቑ ተኸፊቱ። ሃገራት ለውጢ ከባብያዊ ኣየርን በረኻነትን ንምክልኻል ዝሰርሕኦ ዘለዋ ስራሕ ኣብ ዘቕርባሉ ዓለም ለኸ ጉባኤ፤ ኢትዮጵያ እውን ኣብ ሓምለዋይ ኣሰርን ሓለዋ ከባብን ትሰርሖ ዘላ ስራሕ ዘርኢ መካነ ርዕይ ከፊታ። ፕሬዚዳንት ታዬ ኣጽቀሥላሴ ኣብዚ እዋን፤ ኢትዮጵያ ኣብ ተሓዳሲ ሓይሊ፣ዘላቒ ግብርናን ሓለዋ ከባብን ዘለውዋ ሓደሽቲ ኣቀራርባታት ኣረዲኦም። ስለዝኾነ እውን ብኽለት ጋዝ ንምቕናስን ንለውጢ ከባብዊ ኣየር ዘይቃላዕ ማሕበረሰብ ንምህናፅን ቆራፅ ከምዝኾነት ሓቢሮም። ብተወሳኺ እውን ዓለም ትኹረቱ ኣብ ለውጢ ከባብያዊ ኣየር ብምግባር ብፍላይ ድማ ኣብ ምዕባይ ንዝርከባ ሃገራት ርኡይ ደገፍ ክገብር ከምዘለዎ ገሊፆም። ዓለም ለኸ ምትሕብባር ብምግባር ፀገማት ለውጢ ከባብያዊ ኣየር ምፍታሕ ከምዝግባእ እውን ፀሪሖም። ሚኒስትር ፕላንን ልምዓትን ፍፁም ኣሰፋ(ዶ/ር) ብግደአን፤ ኢትዮጵያ ቀረብ ተሓዳሲ ሓይሊ፣ውሕስና ምግብን ስፍራታት መባፅሕታት ቱሪዝምን ከምኡ እውን ስራሕቲ ተኸላ ፈልስን ሓምለዋይ ኣሰርን ዘቐደመ ስራሕ እናሳለጠት ከምዝኾነት ተዛሪበን። ኣብ ኣዘርባጃን ከተማ ባኩ ኣብ ዝካየድ ዘሎ ጉባኤ ኮፕ 29 ዝሳተፍ ዘሎ ጉጅለ ልኡኽ ኢትዮጵያ፤ ቁልፊ ዘተታት ብምግባር ተሞኩሮ ሓምለዋይ ኣሰርን ሓለዋ ከባብን ኢትዮጵያ ከምዘካፍል ትፅቢ ከምዝግበር ካብ ሚኒስቴር ፕላንን ልምዓትን ዝተረኸበ ሓበሬታ የመላኽት።

  አዲስ አበባ/ሕዳር/2/2017/ኢዜአ/መንደር ቤኑና ኣብ ወሰን ቃላይ በሰቃ ብጣዕሚ ዘበናዊ መደቀሲ ክፍልታት፣መኣከቢ ኣዳራሻት፣መዘናግዒ፣ስፓ ከምኡ እውን ልምዓት ፍራምረን ትሩፋት ሌማትን ሓቚፉ ብምሓዝ ከምዝተመረቐ ዝፍለጥ እዩ። መንደር ቤኑና ሰሓቢ ስፍራ መስሕብ ቱሪዝም እዩ። ኣብቲ ከባቢ ዝተፈጠረ ፍልፍል ሓጎስ ንምክፋል ኣብ ቀፃሊ ምስ ስድራና ብምዃን ኣብቲ ከባቢ ንምዝንጋዕ ከምዝመፃእ እውን ገሊፆም። እቲ ከባቢ ንመፍረያይነት ግብርና ምችው ምዃኑ ምዐዛቦ ሓቢሮም። ስለዝኾነ እውን ፍልፍል ኣታዊ ዜጋታት ብምስፋሕ ንዕቤት ሃገር ዝጠቕሙ ስራሕቲ ልምዓት እናተሳለጡ ከምዝርከቡ ኣረዲኦም። መንደር ቤኑና ንመስሕብ ቱሪዝም ዓብይ ዓቕሚ ብምፍጣር ታሪኻዊ ስራሕ ዝተሰርሐሉ ከባቢ እዩ ኢሎም።

  ኣዲስ ኣበባ/ሕዳር /2/2017 (ኢዜኣ) መንደር ቤኑና ቱሪዝም ኢትዮጵያ ንምንቕቓሕ ዓቕሚ ዝፈጥር ሰሓቢ ስፍራ ከምዝኾነ ኣብ ባንኪ ዓለም ዋና ዳሬክተር ኤርትራ፣ኢትዮጵያ፣ደቡብ ሱዳንን ሱዳንን መርየም ሳሊም ገሊፀን። መንደር ቤኑና ኣብ ወሰን ቃላይ በሰቃ ብጣዕሚ ዘበናዊ መደቀሲ ክፍልታት፣መኣከቢ ኣዳራሻት፣መዘናግዒ፣ስፓ ከምኡ እውን ልምዓት ፍራምረን ትሩፋት ሌማትን ሓቚፉ ብምሓዝ ከምዝተመረቐ ዝፍለጥ እዩ። ኣብ ባንኪ ዓለም ዋና ዳሬክተር ኤርትራ፣ኢትዮጵያ፣ደቡብ ሱዳንን ሱዳንን መርየም ሳሊም ኣብዚ እዋን ከምዝበልኦ፤ መንደር ቤኑና ሰሓቢ ስፍራ መስሕብ ቱሪዝም እዩ። ኣብቲ ከባቢ ዝተፈጠረ ፍልፍል ሓጎስ ንምክፋል ኣብ ቀፃሊ ምስ ቤተሰበን ብምዃን ኣብቲ ከባቢ ንምዝንናይ ከምዝመፃ እውን ገሊፀን። እቲ ከባቢ ንመፍረያይነት ግብርና ምችው ምዃኑ ምዐዛበን ሓቢረን። ስለዝኾነ እውን ፍልፍል ኣታዊ ዜጋታት ብምስፋሕ ንዕቤት ሃገር ዝጠቕሙ ስራሕቲ ልምዓት እናተሳለጡ ከምዝርከቡ ኣረዲአን። መንደር ቤኑና ንመስሕብ ቱሪዝም ዓብይ ዓቕሚ ብምፍጣር ታሪኻዊ ስራሕ ዝተሰርሐሉ ከባቢ እዩ ኢለን።

 

  ኣዲስ ኣበባ/ ሕዳር/2/ 2017 /ኢዜአ/ኢትዮጵያ ኣብ መሊስካ ምሕዋይ፣ ምልማዕ ደኒን ኣጠቐቕማ ዘላቒ መሬትን ዘለዋ ተመክሮ ኣብ ኮፕ29 ክተቕርብ ኢያ ተባሂሉ። ኣብ ዓለም ለኸ ጉባኤ ለውጢ ከባብያዊ አየር ውድብ ሕቡራት መንግስታት(ኮፕ29) ዝሳተፉ ኣባላት ልኡኽ ኢትዮጵያ ኣዘርባጃን ባኩ ኣትዮም። እቲ ጉባኤ፥ ምንካይ ዓለም ለኸ ምብካል ጋዝ፣ ንፀገም ለውጢ ከባብያዊ አየር ዝኸውን ዓቕሚ ፋይናነስ ምጥንኻር ኢሉውን ዘላቕነት ዘለዎ ከባብያዊ አየር ምርግጋፅ ኣብ ዝብሉ ጠመተ ዝገብር ኢዩ ተባሂሉ። ፍልፍል ቀረብ ሓይሊ፣ ሰብኣዊ ልምዓት፣ ውሕስነት ምግብን ብዝሃ-ህይወትን ናይቲ ጉባኤ ናይዚ ዓመት ኣንፈት ትኹረት ከምዝኾነ እውን ተገሊፁ። ኢትዮጵያ ዝጀመረቶ ኢኒሼቲቭ ልምዓት ሓምለዋይ ኣሰር ኣብ ዓውዲ ግብርና፣ ኢኮ-ቱሪዝምን ተሓዳሲ ሓይሊን ዝስራሕ ዘሎ ስራሕ ፀገም ለውጢ አየር ንምክልኻል ዓብዪ ኣስተዋፅኦ ይገብር ከምዘሎ ተሓቢሩ። ስለዝኾነ ኢትዮጵያ ኣብ መሊስካ ምሕዋይ፣ ምልማዕ ደኒን ኣጠቐቕማ ዘላቒ መሬትን ዘለዋ ተመክሮ ኣብ ኮፕ29 ክተቕርብ ኢያ ተባሂሉ።

  ኣዲስ ኣበባ/ጥቅምቲ/ 28/2017 (ኢዜኣ) ፕሬዝዳንት ሪፐብሊክ ሴራሊዮንን ቀዳማይ ሚኒስትር ጊኒን ኣብ ክልል ኦሮሚያ ዞባ ምብራቕ ሸዋ ብብርኪ ቤተሰብን ክላስተርን ዝተሳለጡ ስራሕቲ ልምዓት ተዓዚቦም። ኣብቲ ዑደት፤ ሚኒስትር ግብርና ግርማ ኣመንቴ (ዶ/ር)፣ሚኒስትር ምክልኻል ኢንጂነር ኣይሻ መሓመድን ካልኦት ላዕለዎት ሓለፍቲ ስራሕ መንግስትን ተረኺቦም። ኣብ ክልል ኦሮሚያ ዞባ ምብራቕ ሸዋ ብብርኪ ክላስተር ዝተሳለጡ ስራሕቲ ልምዓት ኣቮካዶን ፓፓየን ተዓዚቦም። ብተወሳኺ እውን ውሕስና ምግቢ ንምርግጋጸ ብብርኪ ቤተሰብ እናተሳለጡ ኣብ ዘለዉ ስራሕቲ ልምዓት ፍራምረን ምርባሕ እንሰሳትን ዑደት ገይርም።

 

  ኣዲስ ኣበባ/ ጥቅምቲ/15/ 2017 /ኢዜአ/ኢትዮጵያ ንጉባኤ ለውጢ ከባብያዊ አየር ኮፕ 29 ዕዉት ንምግባር ቅድመ ምድላው እናገበረት ከምትርከብ ሚኒስትር ፕላንን ልምዓትን ፍፁም ኣሰፋ (ዶ/ር) ገሊፀን። ኣብ ኣዘርባጃን ባኮ ዝካየድ ጉባኤ ለውጢከባብያዊ አየር ኮፕ 29÷ ኢትዮጵያ ቅድሚ እቲ ጉባኤ ኣብቲ ጉዳይ ቅድሚት ኣብ ትሰርኦምን ትፅቢት ኣብ ትገብረሎምን ውፅኢታት ምስ መሓዙት መዳርግቲ ኣካላት እናዘተየት ትርከብ። ለውጢከባብያዊ አየር ስግኣት ዓለም ከምዝኾነ ዝሓበራ እተን ሚኒስትር፤ እቲ ፀገም ብሓባር ንምክልኻል ኢትዮጵያ ኩሎም መዳርግቲ ኣካላት ብዘሳተፈ መልክዑ እናሰርሐት ከምትርከብ ኣልዒለን።

  ኣዲስ ኣበባ/ጥቅምቲ/ 7/2017 (ኢዜኣ) ብተኸታታሊ ርዕዲ መሬት ዘጋጥም ዘሎ ኣብ ውሽጢ መሬት ዘሎ ምንቅስቓስ ሓይሊ ማግማ ብዘይምቁራፁ እዩ ክብሉ ኣብ ዩኒቨርሲቲ ኣዲስ ኣበባ ዳይሬክተር ጂኦ-ፊዚክስን ስፔስ ሳይንስን ኤልያስ ሌዊ (ዶ/ር) ገሊጾም። ርዕዲ መሬት ኣብ ውሽጢ መሬት ኮክሕታት ግጭት እንትፈጥሩ ወይ ድማ እንትሰባበሩ ብዝፍጠር ክፍተት ድምፂ እንትኣቱ ዘጋጥም እዩ። ኣብ ክልል ዓፋር ኣብ ዝሓለፉ ሰሙናት ኣብ ከባቢ ኣዋሽ ፈንታሌ ብተደጋጋሚ ዘጋጠመ ርዕዲ መሬት ስዒቡ ኣብ ዝተወሰኑ ክፋላት ኣዲስ ኣበባን ከባቢኡን ከምኡ እውን ጎረቤት ክልላት ንዝረት መሬት ተሰሚዑ እዩ። ኣብ ዩኒቨርሲቲ ኣዲስ ኣበባ ዳይሬክተር ጂኦ-ፊዚክስን ስፔስ ሳይንስን ኤልያስ ሌዊ (ዶ/ር) ኣብዚ ጉዳይ ኣመልኪቶም ምስ ኢዜኣ ኣብ ዝነበሮም ፃንሒት፤ ኣብ ኣዋሽ ፈንታሌን ኣዲስ ኣበባን ንዝረት ርዕዲ መሬት ንሳልሳይ ግዜ ትማሊ ምሸት ከምዘጋጠመ ኣረጋጊፆም። ካብ ቀረባ እዋን ናብዚ ብተኸታታሊ ርዕዲ መሬት ዘጋጥመሉ ዘሎ ምኽንያት ኣብ ውሽጢ መሬት ዘሎ ምንቅስቃስ ማግማ ቅልጡፍ ስለዝኾነ እዩ ክብሉ እውን ኣረዲኦም። ርዕዲ መሬት ኣብዚ እዋን ከጋጥም ወይ ድማ ከቋርፅ ይኽእል እዩ ኢልካ ምትንባይ ከምዘይከኣል ብምሕባር፤ ኣብ ውሽጢ መሬት ዘሎ ምንቅስቓስ ማግማ እንተቋርፅ ወይ ድማ ጠጠው እንተብል ከምዘቋርፅ ገሊፆም። ቀትሪ ከባቢ ሳዓት 6 አብ አዋሽ ዝተኸሰተ ርዕደ መሬት ሎሚ እውን ንዝረት መሬት አብ አዲስ አበባ ተሰምዑ አሎ

  ድሬዳዋ/ነሓሰ /30/2016 (ኢዜኣ) ፈልስታት ካብ ምትካል ብተወሳኺ ኣብ ስራሕቲ ምክንኻን ብንቕሓት ብምስታፍ ምችው ከባቢ ስራሕን መንበርን ንምፍጣር ኩሉ ብትግሃት ክሰርሕ ከምዘለዎ ኣብ ቤት ምኽሪ ወከልቲ ህዝቢ ዋና ተፀዋዒ መንግስቲ ሚኒስትር ተስፋዬ ቤልጂጌ (ዶ/ር) ገሊፆም። ብዋና ተፀዋዒ መንግስቲ ሚኒስትር ተስፋዬ ቤልጂጌ (ዶ/ር) ዝተመርሐ ጉጅለ ልኡኽ ኣካላት ኣመራርሓ ቤት ምኽሪ ወከልቲ ህዝብን ተፀዋዕቲ ትካላት እቲ ቤት ምኽርን ኣብ ከተማ ድሬዳዋ ተረኺቦም ፈልሲ ብምትካል ሓምለዋይ ኣሰሮም ኣንቢሮም። ኣብ ቤት ምኽሪ ወከልቲ ህዝቢ ዋና ተፀዋዒ መንግስቲ ሚኒስትር ተስፋዬ ቤልጂጌ (ዶ/ር) ኣብዚ እዋን ከምዝበልዎ፤ ኣብ ዝሓለፉ ዓመታት ኣብ መርሃ ግብሪ ሓምለዋይ ኣሰር ዝተተኸሉ ፈልስታት ንለውጢ ከባብያዊ ኣየር ዘይቃላዕ ኢኮኖሚ ኣብ ምህናፅ ወሳኒ እጃም ኣለዎም። ብፍላይ ድማ ከተማታት ምችው ከባብታት ስራሕን መንበርን ኣብ ምግባር ዘበርክቶ ዘሎ ኣስተዋጽኦ ልዑል ከምዝኾነ ብምሕባር፤ ከም ሃገር ሎሚ ዘበን ዝተተኸሉ ፈልስታት ብኣግባቡ ኣብ ምክንኻንን ኣብ ምዕባይን ዝተጀመሩ ስራሕቲ ምጥንኻር ከምዝግባእ ተዛሪቦም። ኣፈ ጉባኤ ቤት ምኽሪ ምምሕዳር ከተማ ድሬዳዋ ወይዘሮ ፈትሂያ ኣደን ብግደአን፤ ኣብ ከተማን ክላስተር ገጠርን ድሬዳዋ መርሃ ግብሪ ኻምለዋይ ኣሰር ብዓወት እናተሳለጠ እዩ ኢን። ላዕለዎት ኣባላት ኣመራርሓ ቤት ምኽሪ ወከልቲ ህዝብን ተፀዋዕቲ ትካላት እቲ ቤት ምኽርን ኣብ ድሬዳዋ ተረኺቦም ሓምለዋይ ኣሰሮም ምንባሮም ዝተሰምዐን ሓጎስ እውን ገሊፀን።

  ኣዳማ/ነሓሰ/ 24/2016 (ኢዜኣ) ሓበሬታ ትንበያ ኩነታት ፀባይ ኣየር ብኣግባቡ ብምዝርጋሕን ብምጥቃምን ክበፅሕ ዝኽእል ጉድኣት ንምቕናስ ምርብራብ ከምዝግባእ ተገሊፁ። መድረኽ ትንበያን ዕላዊ መግበርን ግምገማ ኩነታት ፀባይ ኣየር 2016 ዓ/ምን ኩነታት ፀባይ ኣየር ኣዋርሕ ሓጋይ ቀፃሊ ዓመትን ኣብ ከተማ ኣዳማ ይሳለጥ ኣሎ። ሚኒስትር ማይን ኢነርጅን ዶክተር ኢንጂነር ሀብታሙ ኢታፋ ኣብዚ መድረኽ ከምዝበልዎ፤ ኣብ ትንበያ ኩነታት ፀባይ ኣየር ዋላ ኳ ዝተባብዑ ስራሕቲ እናተሰርሑ እንተኾነ ሓበሬታ ብኣግባቡ ኣብ ምጥቃም ግና ፀገም ኣሎ እዩ። ስለዝኾነ እውን ንሓረስቶትን ኣርባሕትን ብፍላይ ኣብ ወሰና ወሰን ሩባታት ንዝነብሩ ዜጋታት ግቡእ ሓበሬታ ትንበያ ኩነታት ፀባይ ኣየር ብዘይምብፅሑ ብሓደጋ ውሕጅን ምግሃስ መሬትን እናተጎድኡ እዮም ኢሎም። ሓበሬታ ትንበያ ኩነታት ፀባይ ኣየር ብኣግባቡ ኣብ ምጥቃምን ኣብ ስራሕ ቅድመ ምድላውን ብትኹረት ብምስራሕ እቶም ፀገማት ምቕናስ ስለዘኽእል ርብርብ ኣመራርሓን ኣባላትን እቲ ዘፈር ከምዘድሊ ገሊፆም።

  ኣዲስ ኣበባ/ ነሓሰ/24/ 2016 /ኢዜአ/ላዕለዎት ኣመራርሓ ሚኒስቴር ግብርና ኣብ ክልል ዓፋር ወረዳ ዱብቲ ሓምለዋይ ኣሰር ኣንቢሮም። ኣብቲ መርሃ ግብሪ፥ ሚኒስትር ግርማ ኣመንቴን (ዶ/ር) ሓዊሱ ካልኦት ሚኒስትር ዴኤታታት፣ ዳይሬክተራትን ሰራሕተኛታትን ተሳቲፎም። ብመዓርግ ምክትል ርእሰ ምምሕዳር ኣተሓባባሪ ክላስተር ኢኮኖሚ እቲ ክልል ኣይተ ዓሊ መሃመድን ካልኦት ኣመራርሓን ሰራሕተኛታትን ቢሮ ግብርና እቲ ክልል ከምዝተሳተፉ ኣብ መራኸቢ ሓፋሽ እቲ ክልል ዝረኸብናዮ ሓበሬታ የረድእ።

  ኣዲስ ኣበባ/ ነሓሰ/ 2016 /ኢዜአ/ ኣብ ዝነበረ ኣብ ሓንቲ ፀሓይ መርሃ ግብሪ ሓምለዋይ ኣሰር 615 ነጥቢ 7 ሚሊየን ፍልሲታት ከምዝተተኸሉ ቀዳማይ ሚኒስትር ኣቢይ ኣሕመድ (ዶ/ር) ኣፍሊጦም። እቶም ቀዳማይ ሚኒስትር ምዝዛም መርሃ ግብሪ ሓምለዋይ ኣሰር ወፍሪ ሓንቲ ፀሓይ ስዒቡ ዘመሓላለፉዎ መልእኸቲ ፡- ፀሓይ በሪቓ ክሳብ ትዓርብ ሽዱሽተ ሚኢቲ ሚሊዮን ፈልሲታት ንኽንተክል ኩልና ኢትዮጵያውያን አሚትና ነይርና። እንሆ ዝሓሰብናዮ ፈፂምናዮ እንሆ ኣብ ሓንቲ ፀሓይ 615.7 ሚሊዮን ፈልሲታት ክንተክል ክኢልና ኣለና። ህፃናት ተስፋኦም ተኺሎም ኢዮም። መናእሰይ ፅንዓቶም ኣርኢዮም ኢዮም። ኣረጋውያን ውርሲ ኣንቢሮም ኢዮም። ኢትዮጵያውያን ካብ ሊቅ ክሳብ ደቂቕ ካብ ገዝኦም ወፂኦም ዘይሃስስ ኣሰር ኣንቢሮም ኣለዉ። ብምትሕብባርናን ብምፅናዕናን ኣብ ካሊእ ክፋል ዓለም ኣብ ሓንቲ ፀሓይ ዘይተገበረ ንሕና ኢትዮጵያውያን ገይርናዮ ኣለና። ንሓለዋ ሚዛን ለውጢ ንብረት ኣየር ጠጠው ኢልና ውዒልና። ምብሑጛግ ሓመድ ንምምምካት ጠንኪርና ውዒልና። ውሕስና ምግቢ ንምርግጋፅ ዘይተቖጠበ ፃዕሪ እናገበርና ውዒልና። ምድሪና ሓምለዋይ ንምልባስ ልምላመ ንምምላስ ኩሉ ዝካአለና ሰሪሕና ኢና። ፈጣሪ እውን ሓጊዙና ነዛ በዛ ሓንቲ ፀሓይ ዝሓሰብናዮ አዕዊትና ኣለና። 29.1 ሚሊዮን ዜጋታት ኣብ 318.4 ሄክታር ሓበሬታ ጂኦስፓሻል ኣብ ዝተረኸበሎም ቦታታት ፈልሲታት ተኺሎም ኢዮም። ክሳብ ሕዚ ኣብ መኽዘን ሓበሬታ ካብ ዝተመዝገበ ወፃእ ዝተተኸሉ ፈልሲታት ሓበሬታ ብተኸታታሊ ክግለፅ ኢዩ። ብዛዕባ ዘደምም ሕብረትን ፅንዓትን ኢትዮጵያውያን እነሆ ምስጋና። ንትልሚ ዓወትና፣ መሰጋገሪ ሓበሬታን ክትትልን ብምዃን ብትግሃት ዝሰራሕኹም ኣመራርሓታት ሰብ ሞያን ትካላት ሚዲያን ምስጋና ይግበአኩም። ናይ ትምኒት ተግባርና ኩሉ ዝሐሸት ኢትዮጵያ ብሕብረት ሃኒፅካ ምፅናሕ ኢዩ። እዚ አበርቲዒና ክንቅፅለሉ ኢና።

  ኣዲስ ኣበባ/ ነሓሰ/17/ 2016 /ኢዜአ/ናይ ሎሚ ፀገም ዘይኮነስ ናይ ፅባሕ ፍረ ኣማዕዲና ብምርኣይ ንብሩህ መፃኢ ዘበን ብሓባር ክንሰርሕ ኣለና ክብሉ ቀዳማይ ሚኒስትር ኣቢይ ኣሕመድ (ዶ/ር) ገሊፆም። ቀዳማይ ሚኒስትር ኣቢይ ኣሕመድ (ዶ/ር) ኣብ ክልል ቤኒሻንጉል ጉሙዝ ከተማ ኣሶሳ ኣብ ሓንቲ ፀሓይ መርሃ ግብሪ ሓምለዋይ ኣሰር ኣንቢሮም፡፡ እቶም ቀዳማይ ሚኒስትር ኣብ ዘመሓላለፉዎ መልእኽቲ÷ መርሃ ግብሪ ሓምለዋይ ኣሰር መፃኢ ግዘ ኢትዮጵያ ብሩህ ንኽኸውን መሰረት ዘንብር ከምዝኾነ ተዛሪቦም፡፡ ሃገሩ ዝፈቱ ትውልዲ ካብ ሎሚ ሓሊፉ ንፅባሕ ኣመዓዲዩ ብምርኣይ ብሓባር ከምዝሰርሕ ብምሕባር÷ ኣብ መርሃ ግብሪ ሓምለዋይ ኣሰር እናተመዝገበ ዝርከብ ዓወት እውን ነዚ ዘረጋግፅ ከምዝኾነ ገሊፆም፡፡ “ብምዃኑ ድማ ናይ ሎሚ ፀገም ዘይኮነስ ናይ ፅባሕ ፍረ ኣማዕዲና ብምርኣይ ንብሩህ መፃኢ ዘበን ብሓባር ክንሰርሕ ኣለና” ኢሎም። ካብ ትማሊ ታሪኽ ትምህርቲ ብምውሳድን ሎሚ አበርቲዕኻ ብምስራሕን ንደቅና ዝሐሸት ሃገር ክነረክብ ይግባእ ክብሉ ኣገንዚቦም። ኣብ ዝሓለፉ ዓመታት ብመንግስቲ ዝተጀመሩ ናብ 20 ዝፅግዑ ኢኒሼቲቫት ልምዓት ጭቡጥ ለውጢ እናምፅኡ ከምዝኾኑ ብምፅራሕ÷ ህድሳት አባይቲ ዓቕመ ደኹማት፣ ምገባ ተምሃሮ፣ ልምዓት ስርናይን ተዛመድቲ ኢኒሼቲቫትን ከም ኣብነት ፀሪሖም፡፡ ኣብ መርሃ ግብሪ ሓምለዋይ ኣሰር ክሳብ ሕዚ ኣብ ዘሎ ከይዲ 39 ነጥቢ 5 ቢሊየን ፈልሲታት ከምዝተተኸሉ እውን ገሊፆም፡፡ ሎሚ ምስ እንተኽሎም ኣብ ሓንቲ ፀሓይ 600 ሚሊየን ፈልሲታት እንትድመሩ 40 ቢሊየን ክበፅሑ ኢዮም” ኢሎም፡፡

 

  ኣዲስ ኣበባ/ ነሓሰ/17/ 2016 /ኢዜአ/ ኣብ መርሃ ግብሪ ምንባር ሓምለዋይ ኣሰር ኣብ ሓንቲ ፀሓይ ዛጊድ 402 ሚሊየን ፈልሲ ከምዝተተኸለ ኣገለግሎት ኮሚኒኬሽን መንግስቲ ገሊፁ።