ኢትዮጵያ ለውጢ ከባብያዊ ኣየር ንምፅዋር ተሳልጦም ዘላ ስራሕቲ ውፅኢታዊ ንክኾኑ ዩኒቨርሲቲታት ብምርምር ደገፍ ክገብሩ ትፅቢት ይግበር



 

ኣዲስ ኣበባ/ለካቲት /28/2017 (ኢዜኣ) ኢትዮጵያ ለውጢ ከባብያዊ ኣየር ንምፅዋር ተሳልጦም ዘላ ስራሕቲ ውፅኢታዊ ንክኾኑ ዩኒቨርሲቲታት ብምርምርን መፅናዕትን ደገፍ ክገብሩ ትፅቢት ከምዝግበረሎም ሚኒስትር ፕላንን ልምዓትን ፍጹም ኣሰፋ(/) ገሊፀን።

ሚኒስቴር ፕላንን ልምዓትን ምስ ዩኒቨርሲቲታት ፎረም ለውጢ ከባብያዊ ኣየር ንምምስራት ዝዓለመ ዘተ የሳልጥ ኣሎ።

ሚኒስትር ፕላንን ልምዓትን ፍጹም ኣሰፋ(/) ኣብዚ እዋን ከምዝበልኦ፤ ብብርኪ ዓለም ለውጢ ከባብያዊ ኣየር ንምፅዋር ዝስርሑ ዘለዉ መርሃ ግብርታት ንምዕዋት ዩኒቨርሲቲታት ዝገብርዎ ምርምራት ኣጠናኺሮም ክቕፅልሉ ይግባእ።

ኢትዮጵያ ለውጢ ከባብያዊ ኣየር ንምፅዋር ዘኽእሉ ስጉምትታት እናወሰደት ከምትርከብ ብምግላፅ፤ ስራሕቲ መርሃ ግብሪ ሓምለዋይ ኣሰር፣ልምዓት ሓለዋ ሃፍቲ ተፈጥሮ፣ኣማራፂ ተሓዳሲ ሓይሊ ምጥቃምን ምቕናስ ብኽለት ኣየርን ከም ኣብነት ፀሪሐን።

ብተወሳኺ እውን መንግስቲ ለውጢ ከባብያዊ ኣየር ንምፅዋር ዝተፈላለዩ ፖሊሲታትን ስትራቴጂታትን ሓንፂፁ ተግባራዊ እናገበረ ከምዝርከብ ኣረዲአን።

ተወካሊ ሚኒስቴር ትምህርቲ ኤባ ሚጀና (/) ብግደኦም፤ ዩኒቨርሲቲታት ኣብ ለውጢ ከባብያዊ ኣየር ዝስርሑ ዘለዉ ስራሕቲ ምርምርን መፅናዕትን ናብ ተግባር ንክኣትዉን እታዎት ፖሊሲ ንክኾኑን ክሰርሑ ትፅቢት ይግበረሎም ኢሎም።

ስለዝኾነ እውን ቀፃልነት ዘለዎም ስራሕቲ ክሰርሑ ከምዘለዎም ገሊፆም።

የኢትዮጵያ ዜና አገልግሎት
2015
ዓ.ም