ንጎረባብቲ ሃገራት ሓዊሱ ኣብ ግምት ዘእተወ መእለይ ሓደገኛ ኬሚካላት ኣብ ሃገር ክህነፅ ኢዩ

 

ኣዲስ ኣበባ/ መጋቢት/2/ 2017 /ኢዜአ/ኢትዮጵያ ካብ ባዕላ ሓሊፉ ንጎረባብቲ ሃገራት ኣብ ግምት ዘእተወ መእለይ ሓደገኛ ኬሚካላት  ክትሃንፅ ምዃና ዋና ዳይሬክተር በዓል መዚ ሓለዋ ከባቢ ለሊሴ ነሜ (ኢ/ር) ገሊፀን፡፡

እተን ዋና ዳይሬክተር ከምዝገለፀኦ፤ ኢትዮጵያ ብመሰረት ዝፈረመቶም ዓለም ለኸ ስምምዓት ኣብ ሰብን ከባቢን ጉድኣት ዘብፅሑ ሓደገኛ ኬሚካላት ናብ ሃገር ከይኣትዉ ቁፅፅር እናገበረት ትርከብ።

ትካላት ጥዕና፣ ኣቢያተ ትምህርቲን ካልኦት ትካላትን ኣድለይቲ ኬሚካላት ናብ ሃገር ከእትዉ ከምዝኽእሉ እውን ተዛሪበን።

እቶም ኬሚካላት ናይ ኣገልግሎት ግዘኦም እንትሓልፍ ብግቡእ ክእለዩ ከምዝግባእ ብምግላፅ፤ እንተዘይተወጊዶም ኣብ ልዕሊ ሰብ፣ ጥዕናን ከባቢያዊ ስነ ምህዳርን ዝኸፍአ ጉድኣት ዘብፅሑ ከምዝኾኑ ኣገንዚበን።

ብምዃኑ ድማ ኣገልግሎቶም ዝሓለፈ ኬሚካላት ዘእትዉ ትካላት ክእለዩ እናተገበረ ከምዝኾነ ተዛሪበን፡፡