ፖለቲካዊ ፀገማት ብሓባር ንፍታሕ ዝብል ፃውዒት መራሒ ዝተርኣየ ኣብዚ ናይ ለውጢ እዋን ኢዩ - ቢቂላ ሁሪሳ (ዶ/ር)

 

ኣዲስ ኣበባ/ መጋቢት/23/ 2017 /ኢዜአ/ፖለቲካዊ ፀገማት ብሓባር ንፍታሕ ዝብል ፃውዒት መራሒ ዝተርኣየ ኣብዚ ናይ ለውጢ እዋን ኢዩ ክብሉ ሓላፊ ዘፈር ርክብ ህዝቢን ዓለም ለኸን ፓርቲ በልፅግና ቢቂላ ሁሪሳ (ዶ/ር) ገሊፆም።

ቢቂላ ሁሪሳ (ዶ/ር) ናይ ለውጢ መንግስቲ ዝመፅአሉ ሻውዓይ ዓመት ብዝምልከት ኣብ ዘመሓላለፉዎ መልእኽቲ÷ ሃገራዊ ለውጢ ንዜጋታት ናብ ቅድሚት ዘምፀአን ተሳትፎኦም ክብ ዘበለን ከምኡ እውን ኣብ ፖለቲካ በዓል ዋናን ጓናን ዝብል ክፍፍል ዘትረፈ ከምዝኾነ ሓቢሮም።

እቲ ለውጢ ኩሉ ኢትዮጵያዊ ኣብ ሃገራዊ ጉዳይ ይግበኦ ኢዩ ዝብል ሓሳብ ከምዘምፀአ ብምግላፅ÷ ኣብ ውሽጢ ሃገር ይኹን ኣብ ወፃኢ ዘለዉ ኢትዮጵያውያን ፖለቲካዊ ፀገማት እዛ ሃገር ንምፍታሕ እጃሞም ንኽዋፅኡ ፃውዒት ዝቐረበሉ ከምዝኾነ እውን ኣብሪሆም።

“ሕዚ እውን ኣብ ኢትዮጵያ ዘሎ ስብራት ፖለቲካ ንምፅጋን ኣብ ዝግበር ምንቅስቓስ መሪሕ ተሳተፍቲ ንኽኾኑ ዝተገበረ ፃውዒት እቲ ዝዓበየ ፃውዒት ኢዩ” ክብሉ ወሲኾም።

ኣብ ዝተፈላለያ ሃገራትን ኣብ ውሽጢ ኢትዮጵያን ዝነበሩ ፓርቲታት ፖለቲካ ናብ ቅድሚት ዝመፅኡሉ፣ ምውዳብ፣ ቢሮ ምኽፋት ከምኡ እውን ሓሳቦም ናብ ህዝቢ ምቕራብ ዝጀመሩሉ እዋን ከምዝኾነ ኣልዒሎም።

እዚ ድማ ኣብ ታሪኽ ፖለቲካ ኢትዮጵያ ልዑል ለውጢ ከምዝኾነ ኣመልኪቶም።