ኤር ባስ ምስ መገዲ ኣየር ኢትዮጵያ ዘለዎ ምትሕብባር ኣጠናኺሩ ከምዝቕፅል ገሊፁ

 

ኣዲስ ኣበባ/ ጥቅምቲ/30/ 2017 /ኢዜአ/ኩባኒያ ኤር ባስ ምስ መገዲ ኣየር ኢትዮጵያ ዘለዎ ምትሕብባር ኣጠናኺሩ ከምዝቕፅል ዓለም ለኸ ፕሬዚዳንት እቲ ኩባኒያ ውተር ቫን ዌልስች ገሊፁ።

ኤር ባስ ኣብ ኣፍሪካ ፈላማይ ምስ ዝኾነ መገዲ ኣየር ኢትዮጵያ ንብዙሕ ዓማውቲ ዝፀንሐ ምትሕብባር ከምዘለዎ ኣዘኻኺሮም።

ኣብ ኣፍሪካ ገዚፍ ብፅሒት ዕዳጋ ዝወስድ መገዲ ኣየር ኢትዮጵያ ኣውሮፕላናት ካብቲ ኩባኒያ ብምእዛዝ ፈላማይ ከምዝኾነ እውን ገሊፆም።

መገዲ ኣየር ኢትዮጵያ ቅድመ ሐዚ ሞዴል ኤ350-900 ኣውሮፕላን ካብቲ ኩባኒያ ምግዝኡ ሓቢሮም።

ሐዚ ድማ ኣዚዩ ዘበናዊ ዝኾነ ኤ350-1000 ኣውሮፕላን ካብቲ ኩባኒያ ምርካቡ እቲ መገዲ ኣየር ዘለዎ ትልሚ ንምዕዋት ሓገዝ ከምዝገብር ተዛሪቦም።

ኩባኒያ ኤር ባስ ኣብ ቀፃሊ እውን ምስ መገዲ ኣየር ኢትዮጵያ ዘለዎ ምትሕብባር ኣጠናኺሩ ክቕፅል ኢዩ ኢሎም።