ቀዳማይ ሚነስትር አብይ አህመድ (ዶ/ር) ፀብፃብ ካልአይ ምዕራፍ ስራሕ ኮሪዶር ልምዓት አዲስ አበባ ገምጊሞም

 

አዲስ አበባ/ ህዳር/ 4/2017/ኢዜአ/፦ቀዳማይ ሚነስትር አብይ አህመድ (ዶ/ር) ብሸሞንተ አንፈታትን አብ ልዕሊ 2 ሽሕን 879 ሄክታር ይስራሕ ንዘሎን ፀብፃብ ካልአይ ምዕራፍ ስራሕ ኮሪዶር ልምዓት አዲስ አበባ ገምጊሞም።

ቀዳማይ ሚነስትር አብይ አህመድ (ዶ/ር) አብ ማሕበራዊ ምትእስሳር ገፆም አብ ዘማሓለለፍዎ መልእኸቲ ሎሚብሸሞንተ አንፈታትን አብ ልዕሊ 2 ሽሕን 879 ሄክታር ይስራሕ ንዘሎን ፀብፃብ ካልአይ ምዕራፍ ስራሕ ኮሪዶር ልምዓት አዲስ አበባ ገምጊምና ኢሎም።

ከተማታትና ንምዕባለን ንናብራን ብዝበለፀ ምቹኡ ንምግባር ካብ ተሞክሮ ፈላሚ ምዕራፍ ትምህርቲ ብምውሳድ ትርጉም ዘለዎ ስጉሚ ንምስጘም ተኻኢሉ ክብሉ ገሊፆም።

ሓዚ አብ ሰለስተ መሰረታዊ ሓላፍነታት ጠመተ ምግባር ይግበአና ዝበሉ ቀዳማይ ሚኒስትር ዐብይ አሕመድ(ዶ/ር) ብቐዳምነት ንቐፃሊ ወለዶ ዝስማዕምዑ ከተማታት ምህናፅ ፤ካልአይ አብ ከይዲ ምልዋጥ አብ ዘለዉ ከተማታት ልዕል ኢሉ ምዕባይ ዝኸእል ወለዶ ምቐራፅ ሳልሳይ ነዞም ዘመናውነት ዝተላበሱ ከተማታት ብልህቀት ንምምራሕ ዝተዳለወ አመራርሓ ኮስኪስካ ምብቃዕ እዮም ክብሉ አብሪሆም።