ብመሰረት ቀዳማይ ሚኒስትር ዐቢይ ኣሕመድ (ዶ/ር) ዝሃቡና ኣንፈት 2ይ ዙር ልምዓት ኮሪደር ብቕልጡፍን ብፅሬትን ክንሰርሕ ኢና-ከንቲባ ኣዳነች ኣቤቤ

 

ኣዲስ ኣበባ/ሕዳር /4/2017 (ኢዜኣ) ብመሰረት ቀዳማይ ሚኒስትር ዐቢይ ኣሕመድ (ዶ/ር) ዝሃቡና ኣንፈት 2ይ ዙር ልምዓት ኮሪደር ብቕልጡፍን ብፅሬትን ክንሰርሕ ኢና ክብላ ከንቲባ ምምሕዳር ከተማ ኣዲስ ኣበባ ኣዳነች ኣቤቤ ገሊፀን።

እተን ከንቲባ ኣብ ማሕበራዊ ምትእስሳር ገፀን ኣብ ዘመሓላለፍኦ መልእኽቲ፤ ስራሕ 2ይ ዙር ልምዓት ኮሪደር ዘለዎ ኩነታት ምስ ቀዳማይ ሚኒስትር ዐቢይ ኣሕመድ (ዶ/) ብምዃን ሎሚ መዓልቲ ከምዝገምገሙ ኣፍሊጠን።

እቶም ቀዳማይ ሚኒስትር፤ እቲ ኣመራርሓ ብምትብባዕ ንልምዓት እናተሓባበሩ ንዘለዉ ህዝቢ እታ ከተማ፣ ኮንትራክተራት፣ሰብ ሃፍቲ ከምኡ እውን ብወለንታውነት ኣስተዋፅኦ እናበርከቱ ንዝርከቡ መናእሰይ ምምስጋኖም እውን ገሊፀን።