መገዲ ኣየር ኢትዮጵያ ካብ ዘለዎ እወንታዊ ሽም ንላዕሊ ንክረአ ከይተሓለልና ንሰርሕ ኣለና-ኣይተ መስፍን ጣሰው

 

ኣዲስ ኣበባ፣ 12 ሕዳር፣ 2017 (ኤፍ ቢ ሲ)መገዲ ኣየር ኢትዮጵያ ካብ ዘለዎ እወንታዊ ሽም ንላዕሊ ንክረአ ከይተሓለልና ንሰርሕ ኣለና ከብሉ ዋና ኣፈፃሚ ስራሕ መገዲ ኣየር ኢትዮጵያ ኣይተ መስፍን ጣሰው ገሊፆም።

ኣይተ መስፍን ምንቅስቓስ ስራሕ እቲ መገዲ ኣየር ጠሚቶም  ኣብ ዝሃብዎ መብሪሂ፥ ናይቲ ኩባኒያ ናይ ኩሉ ግዘ ፃዕሪን ዕላማት ኣገልግሎት ዓማዊል ምብራኽ ኢዩ ኢሎም።

ብመሰረት እዚ ዓማዊል በቲ ኣገለግሎት ዓጊቦም ኩሉ ግዘ ብመገዲ ኣየር ኢትዮጵያ ንክጓዓዙን ካልኦት ሓደሽቲ ዓማዊል ንክመፅኡን ንምግባር ብዙሓት ስራሕቲ ይስራሕ ከምዘሎ ተዛሪቦም።

እቲ መገዲ ኣየር ዓለም ለኸ መዐቀኒታት መሰረት ብምግባር ኣገልግሎት የቕርብ ከምዘሎ እውን ገሊፆም።

ስለዝኾነ መገዲ ኣየር ኢትዮጵያ ካብ ዘለዎ እወንታዊ ሽም ንላዕሊ ንክረአ ከይተሓለልና ንሰርሕ ኣለና ክብሉ ኣይተ መስፍን ጣሰው ኣብሪሆም ክብል ፋና ብሮድካስቲንግ ኮርፖሬት ፀብፂቡ።