መድረኽ ልውውጥ ልምዲ ተተካእትን ነባርን ኣመራርሓ ኣብ ኢትዮጵያ ዝተጀመሩ ፕሮጀክትታት ንምዕዋት ልዑል እጃም ኣለዎ-ኣይተ ዛዲግ ኣብርሃ

 

ኣዲስ ኣበባ/ሕዳር/ 27/2017 (ኢዜኣ) መድረኽ ልውውጥ ልምዲ ተተካእትን ነባርን ኣመራርሓ ኣብ ኢትዮጵያ ተጀሚሮም ዘይተዛዘሙ ፕሮጀክትታት ንምዕዋት ልዑል እጃም ኣለዎ ክብሉ ፕሬዚዳንት ኣካዳሚ ልህቀት ኣመራርሓ ኣፍሪካ ኣይተ ዛዲግ ኣብርሃ ገሊፆም።

ኣካዳሚ ልህቀት ኣመራርሓ ኣፍሪካ ምስ ኢኒስፓየርድ ዲቭሎፕመንት ዝተብሃለ ትካል ብምትሕብባር ዘዳለዎ “ጉባኤ ነፀብራቅ መሪሕነት” እናተኻየደ እዩ ዝርከብ።

እቲ ጉባኤ፤ ኣብ መንጎ ተተካእትን ነባርን ኣመራርሓ ልውውጥ ልመዲ ንምግባር ዝዓለመ እንትኸውን ካብ ኩሎም ከባብታት ኢትዮጵያ ዝተውፃእፅኡ መናእሰይ፣ደቂ ኣንስትዮ፣ ትካላት ሲቪል ማሕበራት፣መራሕቲ ሃማኖት፣ፅልዋ ፈጠርትን ኣመራርሓ መንግስትን ብሓባር ዝዝትይሉ መድረኽ እዩ።

ፕሬዚዳንት ኣካዳሚ ልህቀት ኣመራርሓ ኣፍሪካ ኣይተ ዛዲግ ኣብርሃ ኣብዚ እዋን ከምዝበልዎ፤ ሃገር ዘሻግሩ ፕሮጀክትታት ክውን ንምግባር ኣብ መንጎ ተተካእትን ነባርን ኣመራርሓ ዝህሉ ምቅብባል ምስላጥ ይግባእ።

ኣብ መንጎ እቶም ኣመራሓ ዝፍጠር ሕብረት ቀፃልነት ሃገራዊ ፕሮጀክትታት ንምርግጋፅ ልዑል እጃም ከምዘለዎ እውን ተዛሪቦም።

ኣመራርሓ ትካላት ንግዲ፣ኣብያተ ትምህርቲ፣ሲቪል ማሕበረሰብን መንግስትን ብሓባር ዝሰርሕለ ዓውዲ ምፍጣር ወሳኒ ከምዝኾነ ሓቢሮም።

ዋና ዳይሬክተር ትካል ኢኒስፓየርድ ዲቭሎፕመንት መንእሰይ ልዩነህ ታምራት ብግድኡ፤ እቲ መርሃ ግብሪ ብስነ ምግባሮም፣ብክእለትን ልምዶን ኣመራርሓ መርኣያ ዝኾኑ ኣመራርሓ ልምዶም ዘካፍልሉ መድረኽ እዩ ኢሉ።

ስለዝኾነ እውን ላዕለዎት ኣመራሓ ተዓዲሞም ክእለቶም ዘካፍሉ እንትኸውን ስልጠናታት፣ዘተ ፓነላትን ርክብ ሕድ ሕድን ዝጠናኸርሉ መድረኻት ከምዝኾኑ ተዛሪቡ።