ሓደ ሚኢቲ ናይ ኤሌክትሪክ ኣውቶቢሳት ስራሕ ክጅምራ 'የን

 

አዲስ አበባ/ጥሪ/7/2017/ኢዜአ/ ሓደ ሚኢቲ ዝኾነ ሓደሽቲ ናይ ኤሌክትሪክ ኣውቶቢሳት ድሕሪ ሓደ ወርሒ ግልጋሎት ትራንስፖርት ምሃብ ከምዝጅምራ ሚኒስቴር ትራንስፖርትን ሎጂስቲክስን ኣፍሊጡ።

ሚኒስትር ዴኤታ ትራንስፖርትን ሎጂስቲክስን ኣይተ በርኦ ሃሰን ከምዝገለፅዎ፤ ፀገም ግልጋሎት ትራንስፖርት እታ ርእሰ ከተማ ንምፍታሕን ስትራቴጂ ሓምለዋይ ትራንስፖርት ተግባራዊ ንምግባርን እናተሰርሐ ይርከብ።

በዚ 'ውን ሓደ ሚኢቲ ኣውቶቢሳት ኤሌክትሪክ ኣትየን እናተገጣጠማ 'የን ኢሎም፤ ድሕሪ ሓደ ወርሒ 'ውን ግልጋሎት ምሃብ ከምዝጅምራ እቶም ሚኒስትር ዴኤታ ተዛሪቦም።

ኣውቶቢሳት ኤሌክትሪክ ብበዝሒ ንኽኣትዋ እናተሰርሐ ምዃኑ ብምፅራሕ፤ ልዕሊ 15 መቐመጢ ዘለወን ሚኒባሳት ኣትየን ግልጋሎት እናሃባ ምዃነን 'ውን ኣልዒሎም።