ኢትዮጵያ ትሳተፈሎም ውድድራት ፍፃመ - ኢዜአ ትግርኛ
ኢትዮጵያ ትሳተፈሎም ውድድራት ፍፃመ

አዲስ አበባ/መጋቢት /14/2017/ኢዜአ/ኣብ ቻይና ከተማ ናንጂንግ እናተኻየደ ኣብ ዝርከብ መበል 20 ሻምፒዮና ኣትሌቲክስ ውሽጢ ገዛ ዓለም ኢትዮጵያውያን ኣትሌታት ዝሳተፉሎም ኽልተ ውድድራት ፍፃመ ሎማዓንቲ ክሳለጡ 'ዮም።
ድሕሪ ሰዓት 9:28 ብደቂ ኣንስትዮ 1500 ሜትር ፍፃመ ኣትሌት ጉዳፍ ፀጋይን ኣትሌት ድርቤ ወልተጂን ክወዳደራ 'የን።
ድሕሪ ሰዓት 9:54 ድማ ብ800 ሜትር ደቂ ኣንስትዮ ውድድር ፍፃመ ኣትሌት ፅጌ ድጉማን ኣትሌት ንግስት ጌታቸውን ክሳተፋ 'የን።
ኢትዮጵያ ክሳብ ሕዚ ኣብቲ ሻምፒዮና ኣትሌት ፍረወይኒ ሃይሌ ብ3000 ሜትር ደቂ ኣንስትዮ ወርቅን ብደቂ ተባዕትዮ 3000 ሜትር ኣትሌት በሪሁ ኣረጋዊ ብርን ሜዳልያ ረኺባ።