ኢትዮጵያ ኣፍ ደገ ባህሪ ንምርካብ ትኽተሎ ኣካይዳ ግቡእ እዩ-ኣምባሳደር ኣብርሃም ንጉሴ (ዶ/ር)

 

ኣዲስ ኣበባ/መጋቢት /22/2017 (ኢዜኣ) ኢትዮጵያ ኣፍ ደገ ባሕሪ ንምርካብ ዝጀመረቶ ሰላማውን ዲፕሎማሲያውን ኣካይዳ ግቡእ ከምዝኾነ ኣምባሳደር እስራኤል ኣብ ኢትዮጵያ ኣብርሃም ንጉሴ (ዶ/ር) ገሊፆም።

ኣምባሳደር እስራኤል ኣብ ኢትዮጵያ ኣብርሃም ንጉሴ (ዶ/ር) ምስ ኢዜኣ ኣብ ዝገበርዎ ቃለ መሕትት፤ ኢትዮጵያ ኣፍ ደገ ባሕሪ ንምጥቃም ዘቕረበቶ ሰላማውን ዲፕሎማሲያውን ሕቶ ግቡእ እዩ ኢሎም።

ልዑል በዝሒ ህዝቢ ንዘለዋ ኢትዮጵያ ኣፍ ደገ ባሕሪ ምርካብ ኢኮኖሚያዊ ዕቤት ንምቕፃል ከምዝሕግዝ ብምሕባር፤ ኣብዚ ሕዚ እዋን ኢትዮጵያ ኣፍ ደገ ባሕሪ ንምርካብ ትኽተሎ ዘላ ሰላማውን ዲፕሎማሲያውን ኣካይዳ ግቡእ ከምዝኾነ ተዛሪቦም።

ድሌት ኣፍ ደገ ባሕሪ ኢትዮጵያ ቀናኢ ፍትሒ ዝኾና ሃገራት ዓለም ኩለን ብትኽክል ከምዝሪአኦ ዘለዎም እምነት ብምግላፅ፤ ልዑል በዝሒ ህዝቢ ዘለዋ ሃገር ኣፍ ደገ ባሕሪ ስኢና ክትነብር ኣይግባእን ክብሉ እውን ሓቢሮም።

ሕቶ ኣፍ ደገ ባሕሪ ኢትዮጵያ እውን እናዓበየ ዝመፀ ኢኮኖሚ ንምትእንጋድ ኣድላይ ከምዝኾነ ገሊፆም።

እዚ ጉዳይ ዘይርዳእ መንግስቲ ይኹን ሃገር ስለዘይህሉ ብሰላማውን ዲፕሎማሲያውን መንገዲ መፍትሒ ዝረክብ ጉዳይ ከምዝኾነ ተዛሪቦም።

ጉዳይ ኣፍ ደገ ባሕሪ ኢኮኖሚያዊ ዕቤትን ተረባሕነት ህዝብን ኢትዮጵያ ንምጥንኻር መፍትሒ ክግበረሉ ከምዝግባእ ኣረዲኦም።